Si Palui

Si Palui: Urang Pintar

SUDAH baminggu-minggu ini Garbus ngalu kapala mamikirakan bininya nang garing, sudah dibarimakani macam-macam lungsur balum waras jua.

Si Palui: Urang Pintar
Bpost/Riza
Ilustrasi Palui 

"Aku basarah wan ikam haja Lui ai karna aku rasa buntu banar pikiran bila bini garing karna kada kawa diapa-apa," ujar Garbus lihum.

"Kaina kamarian kubawaakan pananambaannya, mudahan inya kawa manulung bini ikam," ujar Palui.

Wayah kamariannaya Palui datang wan pananambaan itu, imbah mamariksa bininya, lalu Garbus baucap :
"Anum banar umurnya dan baju salawarnya barasih banar pananambaan nang ikam bawa itu, biasanya urang pintar itu pina angker mambari takutan, basisingut bajanggut. Sidin itu pananambaan mana Lui," ujar Garbus.

"Inya itu kamanakanku si Karim nang dahulu pina kurus karing bahingusan," ujar Palui.

"Manyalin kajian siapa maka bisa banar mananambai biniku, imbah ditatambainya lalu pina banyaman awaknya," ujar Garbus.

"Inya itu tamasuk urang pintar jua, kalu kada pintar pasti inya kada kawa jadi mantri, lima walas tahun sakulahnya talu kali kada naik," ujar Palui ba-agak baisi kamanakan pintar. emhati(repro)

Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved