Si Palui

 Si Palui: Ma-amalakan Daging

BAISUKAN itu paharatan Palui handak tulak ka pasar inya batamuan wan Garbus nang bajalan bairingan wan bubuhan bibinian urang kampung.

 Si Palui: Ma-amalakan Daging
Banjarmasinpost
Si Palui Meamalakan Daging 

"Bulihlah aku umpat Lui? Ada jua nang handak kutukar," ujar Garbus.

"Ayu kita tulakan baimbai," ujar Palui.

Imbah sampai di pasar lalu bubuhannya batutukar. Garbus manukar timbaku, gula, uyah, sedangkan Palui manukar makanan gasan anaknya, lalu imbah itu inya manukar iwak garih haruan.

"Ayu kita bulikan Bus," ujar Palui mambawai.

"Ikam balum manukar daging Lui, ayu lakasi tukar kaina aku mahadangi di warung sana," ujar Garbus.

"Kita langsung haja bulikan kaina hari hujan," ujar Palui.

Baca: Refleksi Hardiknas 2019, Menguatkan Pendidikan dan Memajukan Kebudayaan

"Maka ikam tadi bapadah handak manukar daging karna satiap hari musti daging, lalu mana dagingnya nang ikam tukar. Kulihat tadi ikam cuma manukar iwak garih haruan?" ujar Garbus.

"Makanya tadi kupadahakan bahwa aku hari-hari makan daging. Ini nah iwaknya, nang kumakan dagingnya haja sedangkan tulang-tulangnya kubuang kujulung ka kucing," ujar Palui.

"Palui, Palui... ba-agak hari-hari makan daging sakalinya daging iwak karing, kukira tadi daging sapi, daging hadangan atawa daging kambing," ujar Garbus gagarunum karna Palui masih haja katuju mambunguli kawan. ivd/mht

Editor: Hari Widodo
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved