Si Palui

Sipalui: Sate Balambar

BULAN puasa tahun ini Palui umpat jua badagang di pasar wadai, nang dijualnya kada wadai tapi lain dari nang lain.

Sipalui: Sate Balambar
BPost Cetak
Si Palui : Sate Balambar

BANJARMASINPOST.CO.ID - Bulan puasa tahun ini Palui umpat jua badagang di pasar wadai, nang dijualnya kada wadai tapi lain dari nang lain. Inya kada hakun bajualan wadai karna ujarnya sudah kabanyakan macamnya jadi bisa kada payu, apalagi bila rasanya kada nyaman maka kadada urang nang manukarinya, karna itu Palui bajualan sate daging. Sakalinya dasar bujur payu banar sate Palui itu, karna bumbu kacangnya nyaman banar, makanya banyak nang manukarinya.

Kamarian itu datangan bubuhan turis urang barat basinggah di wadah Palui bajualan. Bubuhan turis itu batakun kaya apa cara mamakan sate itu karna bilahnya panjang-panjang makanya kada mungkin bisa habis mamakan daging nang bagian cucukan dalamnya. Karna turis itu bingung lalu Palui tapaksa manarangakan cara mamakannya.

"Mamakannya harus bahiring maigut dagingnya supaya jangan tacucuk bilahnya," ujar Palui. Lalu bubuhan turis itu paham langsung mamburung habis samunyaan sate Palui.

"Wah ternyata bangsa Indonesia rajin-rajin karna mau memotong daging jadi kecil-kecil lalu ditusuk dan dibakar," ujar turis nang saikung.

Baca: Setelah Dilaporkan Sebarkan Berita Bohong, Kivlan Zen Kini Dicekal Bepergian ke Luar Negeri

Baca: Dikenalkan Billy Syahputra Pada Keluarga Besar, Begini Reaksi Tak Terduga Elvia Ceroline

Baca: Hindarkan Tidur Setelah Sahur, Bisa Picu Kanker dan Stroke, Ini Jeda Tidur Rasululullah

"Hanya dengan cara itulah maulahnya karna bila kada kaya itu maka kada bangaran sate, ujar Palui manarangakan.

"Saya paham, saya paham.. tapi rasanya kurang praktis banyak mambuang-buang waktu. Kalau di Eropa tidak ada sate, karna di sana daging dibakar dengan irisan besar-besar," ujar nang saikung pulang.

"Baarti bangsa anda malas-malas alias pangulir-pangulir kada manguasai katerampilan wan karajinan tangan, handaknya praktis haja kalu parlu daging dimakan mantah-matah," ujar Palui kada handak kalah. "Sabujurnya di banua kami ini ada jua sate balambar nang hirisannya ganal-ganal tarutama di restoran-restoran ngarannya stik," ujar Palui pina baparagah tahu walaupun inya kada biasa malihat karna kada biasa masuk restoran ganal.

"Oooooo..... kalu begitu sama ya.......," ujar turis itu sambil takarinyum. ivd/mht

Editor: Hari Widodo
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved