Si Palui

Si Palui: Kada Jadi Bulik

SUDAH ampat tahun ini Palui madam ka Sumatera. Makanya wayah paparak hari raya kaina inya baniat handak bulik

Si Palui: Kada Jadi Bulik
Dok Banjarmasinpost.co.id
Si Palui: Kada Jadi Bulik 

BANJARMASINPOST.CO.ID - SUDAH ampat tahun ini Palui madam ka Sumatera. Makanya wayah paparak hari raya kaina inya baniat handak bulik karna sudah dandaman banar wan anak bini dirumah.

“Kada usah bulik Lui ai, karna kada nyaman-nyaman bulik wayah hari raya, ungkusnya larang wan pasti bakakajalan” ujar nang mamarinanya manangati.

“Ulun bulik kada cuma dandaman wan kampung tapi handak maurus warisan,” ujar Palui baulah alasan.

“Warisan nang mana Lui, kudangar sudah dijual dangsanak ikam,” ujar mamarinanya.

“Kalu tanah pahumaannya sudah dijual, maka kabalujuran ulun handak maambil duitnya,” balas Palui.

“Bulik wayah hari raya ini ngalih banar Lui ai karcis pasawat atawa karcis kapal sudah habis tajual sabulan sabalumnya,” ujar mamarinanya.

Sabulan labih sabalum handak bulik, Palui sudah bakirim surat wan kakaknya minta kirimi duit. Karna inya supan, hidup di Jawa dipadahakan kada baduit maka dalam surat itu Palui manulis halus banar bahasanya.

“Tahun ini ulun handak bulik, tulung kirimi babarapa buting gambar,” ujar isi surat Palui.

Kada lawas datang surat balasan matan kakaknya, di samping bahabar salamatan ada babarapa lambar gambar, yaitu gambar kayi wan nininya wan gambar sakaluargaan.

Karna lain gambar itu nang dimaksud Palui, maka inya mambalasi pulang.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved