Si Palui

Si Palui : Sarung Atawa Tarung

Satiap Palui tulak ka pasar, pasti ada haja nang dipasani ulih bini atawa julaknya minta tukarakan macam-macam.

Si Palui : Sarung Atawa Tarung
BPost Group
Si Palui : Katuju nang Batuyuk 

BANJARMASINPOST.CO.ID - Satiap Palui tulak ka pasar, pasti ada haja nang dipasani ulih bini atawa julaknya minta tukarakan macam-macam. Nang dipasan kada hanya samacam tapi bapuluh macam.

Makanya Palui rancak kada ingat atau hanyar ingat imbah sampai di rumah, dan hujung-hujungnya tahual wan bininya. Parnah jua inya tasalah tukarakan.

"Mustinya pasanannya itu Lui ai ditulis di kartas, jadi ikam tinggal mambaca haja," ujar Garbus wayah bubuhannya takumpulan di warung Acil Isul.

"Supan aku Bus ai, kaina aku dipadahakan urang buta huruf," sahut Palui.

"Kalu ikam mambaca artinya ikam kada buta huruf," ujar Garbus.

Baca: Potret Akhirat Kita

Baca: Mengubah Kebiasaan

Baca: Bagaimana Cara Jadi Pelanggan PDAM

Baca: Bagaimana Agar Sinyal Telpon Kuat, Menelepon Harus Keluar Rumah

"Anggaplah aku kada buta huruf tapi bila satiap handak manukar barang lalu mambuka catatan maka aku bisa dipadahakan urang kada paingatan," ujar Palui baulah alasan.

"Tapi nangkaya apa jua Lui ai, pasanan bini ikam atawa pasanan julak ikam harus dipatuhi karna pasanan sama wan amanat, bila ditulak badosa," ujar Garbus.

"Biar pasanan itu sama wan amanat, tapi bagiku satiap pasanan harus diakuri sebagai tanda cinta dan kasih sayang wan kaluarga," ujar Palui.

"Samalam kudangar, imbah ikam datang matan pasar ribut pulang bahualan wan bini. Napa sababnya Lui?" ujar Tulamak umpat manyahut imbah manalinga di higa warung.

"Aku bahual wan bini samalam itu gara-gara pasanan jua Mak ai," ujar Palui.

Halaman
12
Editor: Hari Widodo
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved