Si Palui

Si Palui: Unjuk Rasa

Salain itu Palui itu pintar banar bagawi dan kawa mambawai nang tuha-tuha wan kakanakan nang nakal-nakal di kampung umpatan bagawi.

Si Palui: Unjuk Rasa
dok/banjarmasinpost.co.id
Si Palui Unjuk Rasa 

BANJARMASINPOST.CO.ID - WAYAH pamilihan nang lalu Palui manang dan kawa jadi pambakal alias kapala kampung sabab inya dikatujui warga karna inya itu jujur, panyumbahyang, wan rajinan.

Salain itu Palui itu pintar banar bagawi dan kawa mambawai nang tuha-tuha wan kakanakan nang nakal-nakal di kampung umpatan bagawi.

Tapi sajujur-jujurnya Palui, parnah jua inya kada singhaja tamakan duit inpres. Imbah inya sadar lalu langsung digantinya. Tapi rupanya kalumpanan Palui itu tadangar jua ulih urang kampung.

"Lui... ui Lui... itu nah bubuhan warga kita pina bajurut ampah ka sini handak mandimuntrasi ikam," ujar Garbus kukuciak sambil manunjuk bubuhan urang kampung ma-lima puluh ikung datangan, bibinian-lalakian baikat kapala batulisan reformasi dan mambawa tulisan ganal-ganal.

"Bujurkah Bus?" ujar Palui pina bingung.

"Kaya apa Lui cara mahadapinya supaya bubuhannya kada sarik wan kada bahahancur kantur kita," ujar Garbus pina gaer.

"Ikam tanang-tanang haja, dangarakan kahandaknya lalu bari panjalasan napa nang ditakunakannya," ujar Palui.

"Itu nah kulihat ada spanduk ganal banar batulisan: Turunakan dan Gantung Kalapa Kampung," ujar garbus manggitir.

"Insya Allah kawa kuatasi, ujar Palui, kalo sasuai isi spanduk itu, turunakan dan gantung......... sambil manyuruh Garbus manaikiakan nyiur nang ada di balakang kantur itu.

Bubuhan nang baunjuk rasa kuriakan handak bapander wan kapala kampung si Palui, manyuruh turun.......

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved