Si Palui

Si Palui: Marasani Haja

SUDAH labih satangah bulan puasaan, tapi Tulamak kada parnah umpat sambahyang tarawih apalagi batadarusan di masigit.

Si Palui: Marasani Haja
BPost Cetak
Si Palui 

BANJARMASINPOST.CO.ID - SUDAH labih satangah bulan puasaan, tapi Tulamak kada parnah umpat sambahyang tarawih apalagi batadarusan di masigit.

Anihnya wayah babuka di masigit inya umpat tarus, tapi imbah sambahyang maghrib inya pasti hilang kada sing cangulan lagi.

"Aku kadada waktunya Lui ai, karna aku sibuk mambantu bini maulah wadai, ma-antar ka pasar lalu maharagu anakku nang masih halus," sahut Tulamak wayah ditakuni Palui kanapa kada parnah umpat batarawih di masigit.

"Ba-amal bulan puasa ini baik banar Mak ai, pahala kita dilipatgandakan Tuhan," ujar Palui.

"Bauntunglah ikam nang kawa manggawi samunyaan amalan, tapi aku basyukur jua masih kawa manggawi nang wajibnya," ujar Tulamak.

Baca: Jawab Laporan Fairuz, Pablo Benua dan Rey Utami Didampingi Farhat Abbas Datangi Polda Metro Jaya

Baca: Kebakaran Simpang Jagung, Dikira Sang Ibu Terpanggang, Gadis Ini Menangis Terisak

Baca: Raffi Ahmad Akui Bertengkar dengan Sonny Septian, Suami Fairuz Hanya Karena Artis Ini

Baca: Penampakan Mantan Suami Ayu Ting Ting, Enji Baskoro yang Ikuti Ibu Bilqis di Dunia Hiburan

"Tarus tarang haja Lui ai walaupun gawianku banyak tapi alhamdulillah kadada puasaku nang pacah, mudahan tuntung sampai kahujung," ujar Tulamak.

"Aku basyukur jua kalu ikam bujur-bujur kawa puasa sampai sabulanan, tapi ampun maaflah Mak kanapa maka samalam ikam kulihat babarapa kali mamasukakan sendok ka muntung," ujar Palui.

"Dimana ikam malihat aku makan?" ujar Tulamak.

"Samalam hulihat di halaman rumah ikam, kulihat ikam sambil manggendong anak lalu babarapa kali manyuap," ujar Palui.

"Samalam itu aku mambari makani anak karna inya manangis banar maka langsung kugendong. Karna buburnya panas banar maka sabalum kusuapi bubur itu kutiup supaya dingin," ujar Tulamak.

Halaman
12
Editor: Edinayanti
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved