Si Palui

Si Palui: Naik Boeing

PALUI sudah lawas mandangar bahwa inya ada baisian kaluarga di Samarinda. Usut punya usut tanyata kada di Samarindanya

Si Palui: Naik Boeing
BPost Cetak
Si Palui : Naik Boeing 

BANJARMASINPOST.CO.ID - PALUI sudah lawas mandangar bahwa inya ada baisian kaluarga di Samarinda. Usut punya usut tanyata kada di Samarindanya, tapi jauh di padalaman Tenggarong. Ujar kisah kaluarganya itu madam ka sana wayah lagi anum, wayah itu masih rami batabang kayu dan sampai babini baranak balum biasa bulik.

Bubuhannya takajut banar karna mandapat kabar bahwa hari ini cagar bulik ka banua mailangi kaluarga.

"Ikam patuhlah Lui wan Salimi itu?" ujar Garbus manakuni kamanakan Palui nang cagar datang itu.

"Bujur haja kamanakan diujud, kamanakan banar tapi sudah lawas banar kami bapisah, lawian tahun dan inya kada biasa bulik-bulik ka banua," ujar Palui.

"Kalu bubuhan kita madam ka banua urang dan lawian tahun kada bulik, lalu bahabar handak bulik pasti sudah nyaman hidupnya," ujar Garbus.

Baca: Keengganan Ayu Ting Ting Sebut Nama Enji Baskoro Akhirnya Luluh Karena Putrinya Bilqis?

Baca: 233 Starter Ramaikan Honda Dream Cup Minggu Pagi ini

Baca: Jadwal Siaran Langsung Trans 7 MotoGP Ceko 2019 - Mimpi Duel Lawan Valentino Rossi & Marc Marquez

Baca: 400 Peserta Antusias Ikuti Indihome Community Gathering Gowies

"Bujur Bus ai, kaya itu jua aku dahulu wayah madam ka banua urang, kada cagar bulik kalu balum bahasil. Karna kalu bulik wayah sakit, pasti supan wan kakawalan," ujar Palui.

"Pabila buliknya Lui?" ujar Garbus batakun.

"Biniku mamadahakan bahwa buliknya naik Boeing, ayu isuk kita barumbungan manyiwa dua talu buah mutur ka lapangan tarbang barami-rami manyambutnya. Aku sudah manilpun lapangan tarbang bahwa isuk siang ada pasawat Boeing. Apalagi aku sudah dandaman banar," ujar Palui mambawai kakawalannya.

Sasuai nang dijanjiakan, bubuhannya tulakan ka lapangan tarbang, barumbungan kaya maantar atawa manyambut urang haji. Sampai di lapangan, bajam-jam mahadang balum batamuan jua wan kaluarganya itu. Wayah pasawat Boeing itu datang, tunggal ikungan di-itihinya kadada jua kalihatan si Salimi nang dihadang-hadangnya. Sudah jua ditakunakan ka luketnya tanyata kadada panumpang nang bangaran Salimi ataupun anak bininya.

Karena sudah batangah hari manunggu, pasawat nang datang sudah habis, Palui bulikan lawan rumbungannya.

Halaman
12
Editor: Hari Widodo
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved