Si Palui

si Palui : Dicari Nang Bapangalaman

SUDAH samingguan ini di kampung Palui bilang saban malam tadangar ada urang nang kamalingan. Makanya ulih pambakal bubuhan warga dikumpulakan.

si Palui : Dicari Nang Bapangalaman
Dok Bpost Group
Si Palui Dicari nang bepangalaman 

BANJARMASINPOST.CO.ID - SUDAH samingguan ini di kampung Palui bilang saban malam tadangar ada urang nang kamalingan. Makanya ulih pambakal bubuhan warga dikumpulakan gasan babagi tugas bajaga malam bagiliran.

“Ikam tahulah Bus, napa sababnya maka wayahini banyak maling, jambret, begal wan rampuk,” ujar Palui manakuni Garbus limbah tuntung rapat.

“Karna bubuhannya itu handak makan, kada baduit lalu mancuntan, mambajak atawa marampuk,” sahut Garbus.

“Bujur haja alasan ikam itu Bus ai tapi balum pas. Kalu alasannya cuma duit, kanapa maka urang baduit, urang bapangkat bisa jua mancuntan atawa marampuk,” ujar Palui.

“Kalu bubuhan jambret atawa maling mancuntan karna kada baduit. Paling puluhan hingga ratusan ribu rupiah nang dicuntan. Tapi bubuhan maling nang baduit kada cuma ratusan ribu nang dicuntannya, tapi ratusan juta sampai miliaran,” ujar Palui.

“Hahahaaaa... aku paham, nang ikam maksud itu pasti maling atawa rampuk nang badasi, bamutur alias koruptor alias KKN pambantas duit rakyat,” ujar Garbus.

“Manurut pandapatku lain lagi alasannya kanapa maka ada cupit, jambret atawa maling itu kada cuma alasan handak makan tapi panyababnya labih mandasar lagi,” ujar Tulamak nang hanyar datang umpat manyurung jawaban.

“Umai, umai Mak haratnya panderan ikam itu pina bateori nang mandasar kaya panderan guru haja,” ujar Garbus.

“Napa alasan nang mandasar itu Mak?” ujar Palui.

“Alasan nang mandasar itu adalah karna wayahini ngalih mancari gawian, karna kada bacari lalu kada baduit, karna kada baduit lalu mancupit atawa mancuntan,” ujar Tulamak.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved