Si Palui

Si Palui : Pangataman

KAYA biasanya, saban baisukan, Garbus mewarung di wadah Acil Isul. Kaya itu juga Tulamak wan Palui. Tapi sudah batangah bulan ini Palui kada kalihatan

Si Palui : Pangataman
dok/banjarmasi post
Si Palui - Pangataman 

BANJARMASINPOST.CO.ID - KAYA biasanya, saban baisukan, Garbus mewarung di wadah Acil Isul. Kaya itu juga Tulamak wan Palui. Tapi sudah batangah bulan ini Palui kada kalihatan balang hidungnya.

"Mungkin inya gagaringan," ujar Tulamak.

"Palui itu urang kuat kada panggaringan tahan bahujan dan tahan bapanas," ujar Garbus.

"Kukira inya pasti ka hulu sungai, mungkin karna ada urusan panting. Ayu kita ilangi haja ka rumahnya," ujar Tulamak.

Imbah mahabisakan kopi, sambil bapadah bahutang, Tulamak wan Garbus tulakan ka rumah Palui.

"Umpat batakunlah, kamana si Palui sudah baminggu-minggu kada mangawan wan kami?" ujar Garbus manakuni bini Palui sasampainya di rumah Palui.

"Lakiku ka hulusungai mancari tukang katam," sahut bini Palui.

"Handak baulah rumahkah si Palui maka mancari tukang katam?" ujar Tulamak.

"Kalu handak baulah rumah kada usah sajauh-jauh mancari tukang katam ka pahuluan sana karna kami baduapun sanggup haja," ujar Garbus manyahuti.

"Ujar urang di Banjar sini ngalih mancari tukang katam apalagi upahnya larang dan urang kada hakun bagawi bahaharian di Gambut sana," ujar bini Palui.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved