Si Palui

Si Palui: Ungkus Buang Hajat

Bubuhan Palui wan kakawalannya sawat jua bajajalanan sampai ka Jakarta. Ada pang saminggu bubuhannya di sana umpat badiam di rumah mamarinanya Garbus.

Si Palui: Ungkus Buang Hajat
dok/banrmasinpost.co.id
Si Palui Unkus buang hajat 

BANJARMASINPOST.CO.ID - BUBUHAN Palui wan kakawalannya sawat jua bajajalanan sampai ka Jakarta. Ada pang saminggu bubuhannya di sana umpat badiam di rumah mamarinanya Garbus.

"Aku jara banar ka Jakarta," uar Tulamak.

"Kanapa maka jara banar Mak? Apakah karna kada cucuk makanan?" sahut Garbus.

"Kalu sual makanan kadada kalihnya Bus ai, asal jangan gangan kalum haja," ujar Tulamak.

"Kalu kada karna makanan, lalu karna apa? Apakah karna sangunya pas-pasan?" ujar Garbus.

"Sual sangu sudah dihitung, bahkan galang jam wan utaspun sudah dihitung jua," ujar Tulamak.

"Aku parcaya ikam badua ini muyak di banua urang kada karna kakurangan uncui tapi karna kaganangan wan pahumaan nang paharatan rami-raminya malacak maklumlah hanyar kawin," ujar Palui manyindir.

"Kada karna alasan itu Lui ai. Kalu handak malacak di sinipun banyak banar pahumaannya, sakahandak manajak," balas Tulamak.

"Sababaiknya pahumaan di banua urang rasanya cucuk nang di banua saurang jua karna barasih dan rumputnya masih mambulu anak haja," sahut Garbus lihum.

"Kalu kaya itu alasan bubuhan ikam itu sama haja wan aku," ujar Palui ma-akuri.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved