Si Palui

Si Palui : Rambut Siapa?

Palui laki bini kada parnah tadangar bakalahi, jangankan bakalahi barangutan muha haja kada parnah talihat.

Si Palui : Rambut Siapa?
BPost Cetak
Si Palui : Rambut Siapa? 

BANJARMASINPOST.CO.ID - Palui laki bini kada parnah tadangar bakalahi, jangankan bakalahi barangutan muha haja kada parnah talihat. Pukuknya kalihatan harmunis tarus.

Tapi kanapa kah samalam tadangar bubuhannya itu bahualan muntung sampai handak basarakan dan rupanya tadangar jua ulih kawalnya si Garbus.

"Mak.. kudangar Palui bakalahian laki bini sampai handak basarakan," ujar Garbus.

"Haw napa panyababnya Bus?" ujar Tulamak.

"Aku kada tahu jua asal muasalnya tapi kudangar dikarnakan rambut," ujar Garbus.

Baca: Jelang Liverpool vs Leicester City, Brendan Rodgers : Saya Tak Sabar untuk Kembali

Baca: HUT ke-74 TNI, Danrem 101/Antasari : Ada Persoalan Kita Pecahkan Bersama

Baca: Rusunawa di Tanbu dan Kotabaru Belum Difungsikan, Haris Tak Sabar Pindah

Baca: Bupati Balangan Jadi Tersangka Kasus Penipuan, Begini Jawaban Pengacara Ansharudin

"Kanapa maka gara-gara rambut haja sampai handak basasarakan? ujar Tulamak hiran.

"Aku kada tahu jua Mak ai. Naahhh..... itu Paluinya ampah ka sini, ayu takunakan Mak?" ujar Garbus.

"Ampun maaf Lui-lah, kami dangar ikam bahual laki-bini gara-gara rambut, bujurlah Lui?" ujar Tulamak.

"Bahual atawa bakalahian laki-bini itu wajar haja, ibarat sayur kada bauyah pasti hambar rasanya. Tapi tarus tarang tatakunan ikam itu bujur haja Mak ai dan nang jadi hualnya bujur haja jua sual rambut," ujar Palui.

"Rambut napa Lui?" ujar Garbus handak tahu.

Halaman
12
Editor: Hari Widodo
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved