Si Palui

Si Palui : Handak Manjadiakan Kakus

SUDAH babarapa tahun ini Palui jadi pagawai hunur di kantur pambakal. Gawiannya bapindah-pindah. Mula-mula bagian urusan gutung-ruyung,

Si Palui : Handak Manjadiakan Kakus
Dok Banjarmasinpost.co.id
Si Palui : Handak Manjadiakan Kakus 

BANJARMASINPOST.CO.ID - SUDAH babarapa tahun ini Palui jadi pagawai hunur di kantur pambakal. Gawiannya bapindah-pindah. Mula-mula bagian urusan gutung-ruyung, lalu pindah jadi kumandan hansip, lalu pindah pulang mambantu urusan KB.

Karna kalihatannya pina makin bapintar dan bisa malayani warga, ahirnya Palui diandak di urusan administrasi surat manyurat. Rupanya Palui katuju banar wan gawiannya nang hanyar ini, karna bujur-bujur rasa jadi pagawai duduk di mija, babaju saragam kantur, rancak umpat rapat, tarasa jua umpat makan nginum nang nyaman dan kada bahujan bapanas lagi kaya dahulu.

"Rajin-rajinlah bagawi Lui ai, datang sungsung dan bulik jangan talalu lakas. Tapi nang panting untuk manjaga disiplin kantur dan mambari cuntuh warga," ujar pambakal mamadahi.

"Ini ada masalah ganal pambakal ai, gawat, gawat dan parlu dirundingakan supaya jangan bakapanjangan masalahnya," ujar Palui pina manggatar-gatar balapur.

"Masalah napa Lui, maka ikam anggap gawat," ujar pambakal.

"Garbus, Tulamak, Tuhirang wan samaunyaan kaluarganya manggugat dan ma-ancam kantur kita nang hanyar dibangun itu. Bubuhannya ma-ancam handak manjadiakan kakus kantur kita nang hanyar itu" ujar Palui.

"Jadi kantur kita nang hanyar dibangun dan balum dirasmikan itu handak dijadiakannya kakuslah Lui?" Sudahkah Lui bubuhannya mangamihi atawa mambahirai? Kurang ajar bubuhannya itu kada tahu bamasyarakat" ujar pambakal sarik. "Napa buktinya Lui bahwa bubuhannya ma-ancam kita handak manjadiakan kantur hanyar itu jadi kakus," ujar pambakal sambil manyuruh Palui supaya mangiyau Garbus wan Tulamak.

"Ini nah buktinya pambakal, ada surat matan bubuhannya nang ulun tarima siang tadi," ujar Palui sambil manjulung.

Pambakal mambuka surat itu lalu mamasang kacamata dan manyuruh Palui supaya umpat mandangarakan pambakal mambacanya "... ampun maaf pambakal, kami minta pambakal jangan marasmiakan kantur hanyar itu karna handak kami jadiakan kakus ka kantur pulisi dan jaksa, sebab kita sudah babarapa kali barunding tapi balum tuntung jua urusan ganti rugi parwatasan tanahnya...," ujar pambakal tamandak mambaca sambil bapicik kapala dan maingat-ingat, lalu kada lawas mangalakak pambakal tatawa.

"Kanapa maka sampiyan tatawa pambakal, kantur hanyar handak diulah Garbus jadi kakus, malah tatawa?" ujar Palui.

"Ikam kada tahu parmasalahannya dan ikam tabaca tulisannya haja, padahal tulisan itu tasalah. Sabujurnya Garbus handak manuntut kita manjadiakan masalah ini jadi kasus, rupanya Garbus salah katik, kasus dikatiknya kakus.

Jangan hawatir Lui ai, kita hadapi karna segel Garbus wan Tulamak itu palasu," ujar pambakal banahap mayakinakan Palui. (mht/repro)

Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved