Si Palui

Si Palui : Takait Utas

Wayah ini Palui rajin banar tulak ka pangajian, malam Kamis, malam Jumahat, wan malam Sabtu. Di mana haja ada urang babacaan, pasti didatanginya.

Si Palui : Takait Utas
dok. BPost Group
Si Palui Takit Utas 

BANJARMASINPOST.CO.ID - Wayah ini Palui rajin banar tulak ka pangajian, malam Kamis, malam Jumahat, wan malam Sabtu. Di mana haja ada urang babacaan, pasti didatanginya. Pukuknya handak saban malam Palui kada parnah ada di rumah.

Nangkaya biasanya kamarian itu, imbah bulik matan ba-ashar di langgar Palui langsung manggusuk baju wan tapih nang cagaran dipakainya tulak babacaan. Imbah tuntung bagusuk baju lalu inya tulak mandi. Kada lawas mandi, bahancap inya bapakaian.

"Ui abahnya.. Handak kamana pulang sampiyan bilang saban malam kadada di rumah?" ujar bininya manakuni.

"Biasa umanya ai, urusan ahirat," ujar Palui manyahuti.

"Bujur haja urusan ahirat, tapi amun saban malam kasihan jua anak bini. Maka makanan rancak babasian karna sampiyan haur kada makan di rumah," ujar bininya.

"Simpan haja di kulkas umanya ai, tangah malam aku kalaparan pulang. Kaina aku panasi saurang," ujar Palui.

"Itu nah, tatak-tatak pang sisingut sampiyan itu. Galianan banar ulun malihatnya. " ujar bininya itu rancak manyuruhakan.

"Sisingut ini pamanisnya haja umanya ai," ujar Palui pulang.

"Pamanis nangapa. Tumbuhnya haja kada rata alias jarang-jarang wan pina carucukan kasana-kamari kada jalas bantuknya," ujar bininya pulang.

"Kaina haja umanya ai manataknya. Aku handak tulak basungsung karna wadah babacaannya jauh banar," ujar Palui langsung tulang manggalunyur.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved