Si Palui

Si Palui: Memburu Maling

TUMAT kemarian urang di kampung Palui galu memandirakan urang kemalingan. Jakanya sedikit aja nang kehilangan masih kukurang labih

Si Palui: Memburu Maling
Dok Banjarmasinpost.co.id
Si Palui: Memburu Maling 

BANJARMASINPOST.CO.ID - TUMAT kemarian urang di kampung Palui galu memandirakan urang kemalingan. Jakanya sedikit aja nang kehilangan masih kukurang labih, ini bilang handak sekampungan nang kemalingan.

Istilahnya tu, tunggal buahan rumah urang kampung nang dinaiki maling tu. Jakanya subuh dini hari aja, malingnya ni kada beingat wan waktu. Tengah hari panas menggantang gin ada jua rumah urang kampung nang ditukuinya.

Barang beharga nang diambilnya tu mulai dari duit, emas, pekakas rumah tangga sampai ke pakaian dalam ampun rumah. Ham, bilang liwar banar malingnya tu.

“Amun sawat kada tetangkap malingnya ni besupanan ganal urang kampung kita ni. Sudah kemalingan saban hari kada dapat ja pulang menangkap malingnya. Besupanan ganal kita sekampungan,” ujar Pak RT rahat tekumpulan wan buhan Palui di warung Acil Ijum.

Buhan Palui sepakawalan singhaja bekumpulan di warung, selain memandirakan cara menangkap maling sesambilan jua bejagaan di kampung.

“Amun ulun pak erte ai menyaranakan wan pian supaya menakunakan aja lagi ke kantor polisi. Soalnya buhan urang kampung kita ni sudah banyak nang kehilangan wan sudah banyak jua nang belapor ke kantor polisi. Pasti pang polisinya sudah bergerak,” ujar Tulamak sambil mehirup kopi. Tangan kiri memingkuti wadai kelemben.

Garbus, Tuhirang, wan Palui unggut-unggut tanda membujurakan apa nang disaranakan Tulamak ke pak erte.

Pak erte, umpat jua beunggut-unggut. Imbah itu kepalanya sidin meningadah, muntung sidin bakantup. Tangan kanan sidin memusut janggut nang kada tapi banyak lambarannya. Itu tanda sidin sambil memikirakan saran Tulamak.

“Bujur banar ujar ikam tu Tulamak ai. Aku sependapat banar. Kena isuk beisukan aku ke kantor polisi menakunakan kaya apa perkembangan penanganan polisi terhadap laporan waraga kita,” ujar pak erte.

“Siapa di antara buhan ikam beempat ni nang kira-kira kawa mengganii aku isuk ke kantor polisi? Ujar pak erte pulang.

Halaman
123
Editor: Didik Trio
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved