Si Palui

Si Palui : Sama-sama Kada Jadi

AGI halus Palui diharagu ulih mamarinanya, makanya inya disayangi banar. Samunyaan kahandaknya dituruti makanya sampai ka tuha jadi ungah banar wan ma

Si Palui : Sama-sama Kada Jadi
Dok Banjarmasinpost.co.id
Si Palui : Sama-sama Kada Jadi 

BANJARMASINPOST.CO.ID - LAGI halus Palui diharagu ulih mamarinanya, makanya inya disayangi banar. Samunyaan kahandaknya dituruti makanya sampai ka tuha jadi ungah banar wan mamarinanya. Dan sabaliknya Palui pun satia banar, disuruh napa haja kada biasa manulak. Mamarinanya nang bini kabalujuran harat banar manginang sirih, makanya Palui tahu banar napa nang dikahandaki mamarinanya apalagi imbah tuntung makan musti mamarinanya manginang.

“Lui bawakan panginanganku,” ujar mamarinanya.

“Sudah ulun siapakan,” sahut Palui.

“Ikam kamanakanku nang paling rajin,” ujar mamarinanya mamuji Palui.

“Kalu ulun dipadahakan nang paling rajin, napa upahnya Lak,” ujar Palui manyahuti julaknya.

“Napa nang ikam kahandaki sahut mamarinanya, pilih haja apakah baju salawar wan tapih hanyar, sapida atawa radiu,” ujarnya.

“Napa nang pian sambat itu samunyaan ulun sudah baisian,” ujar Palui.

“Nang balum baisian napa haja?”

“Ulun supan manyambatnya,” ujar Palui.

“Sambat haja, kaina kutulusakan,” ujar julaknya.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved