Si Palui

Si Palui : Kana Razia Sajam

HARI itu, bini Garbus pina balisah bangat kaluar masuk, ka palataran, ka dapur malihati jam. Inya mahadang lakinya nang kalawasan ka pasar

Si Palui : Kana Razia Sajam
Dok Banjarmasinpost.co.id
Si Palui : Kana Razia Sajam 

BANJARMASINPOST.CO.ID - HARI itu, bini Garbus pina balisah bangat kaluar masuk, ka palataran, ka dapur malihati jam. Inya mahadang lakinya nang kalawasan ka pasar, sadang anaknya sudah manangis minta susu.

Kada lawas Garbus pun datang membawa kantungan plastik baisi tukaran, tamasuk susu gasan anaknya.

“Umailah abahnya, nangapa diulah? Apakah tadapat gandak hanyar sahingga lupa wan anak di rumah?” ujar nang bini bamamai.

“Aku talambat bulik, umanya ai karena aku kana razia sajam, aku tabawa lading sahingga aku ditangkap polisi,” sahut Garbus ba alasan.

“Ulun kada paduli, abahnya ai, kalu sampian itu ditahan pulisi sajamkah, dua jamkah, tiga jamkah, lantaran itu kasalahan sampian jua. Ulun maras lawan anak kita, manangis nangis mahadang susunya,” ujar bini Garbus tatap maniwas lakinya.

Rupanya wayah Garbus laki bini bahualan tadi, Palui sudah lawas umpat mandangarakan.

“Ehem... hem... Uii... bini Garbus. Aku ampun maap handak umpat manangahi," ujar Palui manyala pandir. "Parlu aku jelaskan, karena tadi aku kabalujuran di sana wayah razia tadi."

"Ada pun razia sajam itu, artinya razia senjata tajam, baik berupa parang, mandau, karis, badik, atau pun lading. Itu ngarannya senjata tajam, disingkat sajam. Kalau senjata api, disingkat senpi. Senjata senjata itu di kuatirkan memicu perkelahian. sahingga parlu dirazia. Tabarung Garbus kana sial inya tabawa lading, inya ditangkap dan ladingnya disita”, ujar Palui menjalaskan.

Banjarmasin Post edisi Kamis (23/1/2020).
Banjarmasin Post edisi Kamis (23/1/2020). (Dok Banjarmasinpost.co.id)

“Aku sabagai katua RT kada handak wargaku dapat masalah, maka aku manjaminakan bahwa Garbus urang baik baik lain preman dan inya mambawa lading itu kada gasan bajajagauan atawa maancam urang, tapi dasar propesinya sabagai tukang siang iwak di pasar,” ujar Palui.

Bini Garbus tanganga kahiranan, lalu bagamat ba ucap;

“Uu...alun mangira, sajam itu artinya satu jam. Maap ulun ka ai”, ujar bini Garbus menyirit nang laki, lalu sama sama takarinyum.

“Makanya umanya ai, ikam harus bapintar pintar tentang arti macam macam razia, misalnya razia SIM, BPKB, razia KTP, razia Miras, razia Narkuba dan lain lain,” ujar Garbus hanyar lancar bapandir.

“Ya....mudahan jangan ada razia surat surat nikah atawa....surat talak," ujar Palui mahabisi pandir sahingga badarau tatawaan. (bpost/aan)

Editor: Didik Trio
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved