Si Palui

Si Palui : Urang Pintar

SUDAH baminggu-minggu ini Garbus ngalu kapala mamikirakan bininya nang garing, sudah dibarimakani macam-macam lungsur balum waras jua

Si Palui : Urang Pintar
Dok Banjarmasinpost.co.id
Si Palui : Urang Pintar 

BANJARMASINPOST.CO.ID - SUDAH baminggu-minggu ini Garbus ngalu kapala mamikirakan bininya nang garing, sudah dibarimakani macam-macam lungsur balum waras jua. Sudah jua inya bacari urang nang pintar, nang kawa batatamba tapi tatap bininya itu kada sing warasan. Parnah jua inya sampai kapalosok hutan gunung Maratus sana.

"Kalu handak batatamba kada usah sajauh itu, disini banyak haja nang bisa," ujar Palui.

"Sudah jua kudatangi pananambaan julak Ambrun, kayi Dadap wan Uwa Iduk nang tamasuk urang pintar di wadah kita ini. Macam-macam dibari sidin ramuan tapi balum waras jua," ujar Garbus.

"Ramuan lungsur kaya apa," ujar Palui.

"Macam-macamlah, ada akar tarap, daun balimbing, humbut hanau dan ada jua buah jaring. Samunyaan sudah dicuba ada nang dijarang ada jua nang dirandam tapi balum waras jua. Apalagi buah jaring itu imbah dijarang dipadahakan sidin harus dimakan sarumahan supaya tahindar wan iblis-iblis nang bakaliaran disakaliling rumah kita," ujar Garbus

"Lalu kaya apa hasilnya imbah mamakan jaring itu," ujar Palui batakun.

"Hasilnya siang malam kami tumbur sarumahan karna kantut babau jaring," ujar Garbus.

"Mungkin balum juduhnya nang mawarasi," ujar Palui.

Banjarmasin Post edisi Jumat (7/2/2020).
Banjarmasin Post edisi Jumat (7/2/2020). (Dok Banjarmasinpost.co.id)

"Tulung Lui cariakan pananambaannya, mungkin ada kakawalan ikam nang tahu urang pintar itu," ujar Garbus minta tulung.

"Kita batatawakalan haja, mudahan ada ubat atawa pananambaan nang cucuk mawarasi," ujar Palui.

Halaman
12
Editor: Didik Trio
Ikuti kami di
KOMENTAR

BERITA TERKINI

berita POPULER

© 2020 TRIBUNnews.com Network,a subsidiary of KG Media.
All Right Reserved