Si Palui

Si Palui : Bakisah Pahumaan

KALU bubuhan urang kampung Palui madam ka banua urang gasan bacari wajar haja karna pancarian di banua sakit apalagi wayah musim karing kada kawa

Si Palui : Bakisah Pahumaan
Dok Banjarmasinpost.co.id
Si Palui : Bakisah Pahumaan 

BANJARMASINPOST.CO.ID - KALU bubuhan urang kampung Palui madam ka banua urang gasan bacari wajar haja karna pancarian di banua sakit apalagi wayah musim karing kada kawa batanam.

Tapi bila bubuhan Palui nang madam ka banua urang bamacam-macam alasannya, ada nang bapadah bajalanan malihat banua urang, ada jua nang mandatangi kaluarga karna sudah dandaman tapi si Garbus lain lagi alasannya.

Ikam manalu tahun labih hilang matan banua kamana Bus ujar Palui batakun.

Maklumlah kita sama-sama mambawa nasib tapi kada sama jalannya wan kada sama razakinya sahut Garbus. Ikam malihat kalu kulitku ini parak sama wan kulit Tuhirang, artinya aku di banua urang bagawian barat sahut Garbus.

Kalu kada salah tangguh, ikam musti bagawi dipanambangan batubara di Batulicin ujar Palui manangguh.

Tangguhan ikam salah Lui ai, sabujurnya aku umpat jadi transmigrasi, sahut Garbus. Itu nah....... di rumah maniga ikung pakulih lampiran, balum lagi nang ada di dalam parut umanya ujar Garbus manunjuk ka rumah.

Maka wayah ikam kawin dahulu sudah dituduhi mintuha ikam supaya masuk KB. Talalu-lalu banar talu tahun labih di banua urang sudah parak ampat ikung anak ujar Palui.

Banjarmasin Post edisi Minggu (9/2/2020).
Banjarmasin Post edisi Minggu (9/2/2020). (Dok Banjarmasinpost.co.id)

Itulah...... Lui ai, kami diam jauh matan kampung jadi tabanyak di rumah wan di pahumaan, bila malam bakadap sama sakali kadada hiburan ujar Garbus. Apalagi andaknya ditangah hutan, siang malam nang di pandang kada lain dua buah buku gunung. Imbah puas-puas mamandang gunung lalu barandam ka talaga nang sabat rumputnya. Manalu tahun gawian kaya itu maka kada hiran kalu parak maampat ikung hasilnya, apalagi bibitku tamasuk bibit unggul ujar Garbus sambil lihum.

Kalu kaya itu aku sudah paham maksud ikam Bus ai, artinya wajar haja gawian nyaman itu banyak hasilnya sahut Palui sambil manyindir. Tapi aku di kuta lain lagi masalahnya Bus ai, wayah ini nang kupandang kada dua tapi anam buku gunung wan talaganya.Tapi maklum hajalah guha alias talaganya kada tapi barumput karna pahumaannya hanyar dihumai ujar Palui mambalas panderan Garbus.

Ooooo...... aku paham jua Lui, artinya talu ikunglah ikam baisian bini ujar Garbus.

Maklum pahumaan hanyar maka tabarat sadikit mancangkul wan manabasinya, sampai sakit pinggang bila sampai samingguan marandami talaganya ujar Palui baagak wan Garbus nang sudah parak ampat ikung baisian anak.

Kalu sampai baisian talu talaga balum ada jua hasilnya artinya cangkul ikam nang tumpul Lui ai. Kalu marga cangkul nang tumpul atawa talipat wayah dicangkulakan, kaina ikam kubari pasak bumi wan daun saluang mudik ujar Garbus manawari.

Kada karna marga cangkulnya Bus ai tapi kami sudah mufakat masuk KB sabarataan, tamasuk aku sahut Palui kada hakun kalah..... (tam)

Editor: Didik Trio
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved