Si Palui

Si Palui : Tapakai Salawar Anak

TULAMAK himung banar karna wayah bubuhan kampung maadaakan kagiatan gutung ruyung, inya ditunjuk sabagai pimpronya alias kapala gawi.

Si Palui : Tapakai Salawar Anak
Dok Banjarmasinpost.co.id
Si Palui : Tapakai Salawar Anak 

BANJARMASINPOST.CO.ID - TULAMAK himung banar karna wayah bubuhan kampung maadaakan kagiatan gutung ruyung, inya ditunjuk sabagai pimpronya alias kapala gawi. Garbus kana bagian komsumsinya sadang paralatan nangkaya parang, cangkul, linggis dibawa masing-masing matan rumah.

“Dengan diparcaya jadi kapala gawi itu maka baarti ikam kada kawa baindah, harus hadir, harus umpatan bagawi Mak ai. Karena biasanya ikamlah nang paling pangulir,” ujar Garbus.

“Kukira tabanyak Palui nang kada umpat bagawi, karna bila hujan gerimis sadikit haja inya musti kada datang, bisa bapadah sakit gigi atawa batis bangkak atawa bisa jua baalasan salismaan atawa bapadah hatap rumah miris, bapadah bini sakit parut, saribu alasan,” ujar Tulamak cacarancang manyalahakan Palui.

“Kalu kalakuan Palui kada baik jangan dituruti,” ujar Garbus.

“Bus, Mak... aku datang, aku siap bagawi,” ujar Palui cangul bakakajutan.

“Syukur ikam datang Lui ai, sudah mulai tadi kami hadangi karna ikamlah nang paling tahu bagian mana nang paling didahulukan dicangkul dan ditabuk,” ujar Tulamak pina kasisipuan karna hanyar haja mahujat Palui. Untung Palui kada mandangar.

“Kawan-kawan sabarataan siapakan cangkul, parang, cakrup, linggis, tajak, kita mulai bagawi,” ujar Tulamak.

Banjarmasin Post edisi Jumat (28/2/2020).
Banjarmasin Post edisi Jumat (28/2/2020). (Dok Banjarmasinpost.co.id)

Lalu masing-masing basiap, ada nang mamacul baju tinggal kaus kaliwang, ada nang malipat salawar dan ada jua nang mamacul tapih, tamasuk Garbus wan Palui.

“Samunyaan babaris gasan kita mambagi regu supaya kada tagalumuk. Nang tuha-tuha subalah kanan, nang anum manggawi selokan dan anak sakulahan manabas rumput,” ujar Tulamak, si kapala gawi.

“Kami nang tuha-tuha minta gawian nang ringan haja,” ujar bubuhan julak Isul.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved