Si Palui

Si Palui : Pucuk Gumbili

WAYAH kadada gawian lain lagi, Palui tapaksa jadi supir. Kabisaan manyupir ini sudah digawinya lima anam tahun nang lalu dan sudah baisian rebuwis.

Si Palui : Pucuk Gumbili
Dok Banjarmasinpost.co.id
Si Palui : Pucuk Gumbili 

BANJARMASINPOST.CO.ID - WAYAH kadada gawian lain lagi, Palui tapaksa jadi supir. Kabisaan manyupir ini sudah digawinya lima anam tahun nang lalu dan sudah baisian rebuwis.

Rebuwis itu dimintanya wayah inya jadi karnit, imbah ampat lima tahun jadi tukang basuh mutur. Rebuwis itu hanya sawat dipakainya kurang labih satahun, lalu inya ampih manyupir gara-gara marampak garubak sapi, sapinya patah batis lalu disuruh mangganti saharaga sapi saikungan.

“Gawian manyupir ini nyaman-nyaman sakit, makanya aku parak jara banar.

Karna bila kada hati-hati bisa marampak urang atawa bisa jua disingggul atawa dirampak urang. Marampak atawa dirampak sama haja ganal ruginya. Rugi mangganti, rugi baparkara dan rugi wan nang ampun mutur,” ujar Palui mangisahakan pangalamannya wan Garbus nang jadi karnitnya.

“Ooo ... karna pangalaman itulah maka ikam kada tapi baliur lagi jadi supir,” ujar Garbus.

“Makanya tadi kusambat bahwa gawian manyupir ini sakit-sakit nyaman. Ulih karna itu pulalah maka aku mamilih jadi supir padesaan haja supaya jangan talalu barat risikunya, walaupun hasilnya pas-pasaan haja,” ujar Palui.

Wayah tulak matan Gambut tadi, cuma saikung panumpangnya, bibinian pina lamak mungkal, bagincu habang, bagalung tinggi dan babaju kabaya putungan kutabaru nang kalihatan sadikit sasala gugunungannya.

Palui pina makin rancak manyirit kahiga pura-pura maitihi kaca pion, lalu lihum saurangan.

“Ayu Bus bakuriak cari panumpang,” ujar Palui manyuruh Garbus nang duduk di bangku balakang.

“Kertak Hanyar, Kertak Hanyar ... Banjar, Banjar,” ujar Garbus kukuriak bahanu sambil takulibi malihat Palui pina asyik banar manyupir mamanderi panumpang bibinian dihiganya itu.

Banjarmasin Post edisi Rabu (4/3/2020)
Banjarmasin Post edisi Rabu (4/3/2020) (Dok Banjarmasinpost.co.id)
Halaman
12
Editor: Didik Trio
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved