Si Palui

Kada Singhaja

“Umur manusia kadada nang tahunya kacuali Tuhan, makanya rajin-rajinlah baibadah apalagi bulan suci ini,” ujar Palui.

BPost cetak
Si Palui edisi cetak Banjarmasin Post Rabu (29/5/2020) 

BANJARMASINPOST.CO.ID - KAMARIAN itu Palui tulak saurangan ka pasar wadai, mancari macam-macam kahandak bininya nang harus ditulusakan. Karna kababanyakan itulah inya sampai kada ingat lagi napa haja nang dipasani bininya. Wayah buliknya inya tatamu Garbus wan Tulamak.

“Kita harus basyukur banar Bus ai, tahun ini kawa pulang bapuasa Ramadhan,” ujar Palui.

“Bujur Lui ai, ada babarapa kawan kita nang tahun tadi rami-rami taimbai puasa dan tarawihan sakalinya tahun ini kada kawa umpat lagi karna sudah dikiyau ulih Tuhan,” ujar Garbus.

“Umur manusia kadada nang tahunya kacuali Tuhan, makanya rajin-rajinlah baibadah apalagi bulan suci ini,” ujar Palui.

“Aku sadih jua malihat kakawalan kita nang lainnya pina kada maingat wan ahirat. Dianggapnya hidup ini kawa salawasan, padahal wayahini panyakit kada bapandang urang, kada bapandang pangkat atawa jabatan. Wayah baisukan pina sihat haja, sakalinya tangah hari ji’un, kaya itu jua wayah kamarian masih pina lihum-lihum haja sakalinya malamnya gim,” ujar Garbus.

“Makanya manfaatkanlah sisa umur nang masih ada, wayah awak lagi sigar, masih kawa baibadah wan ba-amal,” ujar Palui.

“Sudahkah manukar pabukaan?” ujar Tulamak batakun.

“Ini nah bungkusannya, aku sudah ka pasar wadai lalu handak bulik karna satumat lagi sajam dua jam babunyi dauh,” ujar Palui mangincang bulik.

“Pabukaan napa nang ditukar abahnya?” ujar bininya manakuni Palui wayah sampai di rumah.

“Ini nah bungkusannya, lihati di dalamnya ada bingka, ada wadai amparan tatak, ada puracit kasayangan ikam,” ujar Palui manjulung bungkusannya.

Halaman
12
Editor: Edinayanti
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved