Editor: Syaiful Akhyar

BANJARMASINPOST.CO.ID - Palui tamasuk bauntung. Barakat sabar umpat mahonor jadi guru dikampungnya, akhirnya inya umpat jua diangkat jadi guru tatap.

Walaupun pangkatnya paling randah, tapi tamasuk nyaman jua ada jaminan hidup gasan tuha kaina.

"Lain jua panampilan kawal kita ni Bus ai salawas jadi guru," ujar Tulamak mamuji Palui nang babaju pagawai.

"Lain napanya Mak, biasa haja aku ni," ujar Palui marandah.

"Bagagah ikam Lui ai amun babaju dinas tu," ujar Garbus maambung.

• BREAKING NEWS: Pasar Pujon Kapuas di Kalteng Terbakar, Diduga Ratusan Rumah Dilalap Si Jago Merah

• Diperkirakan 100 Bangunan Ludes Terbakar di Pujon Kapuas Kalteng, Pendataan Masih Dilakukan

• Berikut Laporan Pusdalops-PB BPBD Kapuas terkait Peristiwa Kebakaran di Kawasan Pasar Pujon

"Karna bubuhan ikam kawa manyanangakan hatiku, wan kabujuran limbah gajihan, ayu kita makanan ka warung," ujar Palui mambawai makanan.

"Wayahini jadi guru tamasuk nyaman Lui lah? ujar Tulamak sambil muntungnya kiyap-kiyap.

"Napa nyamannya, cuntuhakan pang Mak!" ujar Palui.

"Aku mambaca disurat kabar gaji guru wayahini sudah ganal, kada kaya dahulu babaya cukup gasan hidup haja," ujar Tulamak pulang.