Breaking News:

Palui

Si Palui : Kapanasan

Palui akhirnya kawa jua baisi sapeda motor. Karna masih hanyar, Palui saban kamarian bakuliling kota.

bpost cetak
Si Palui: Kapanasan 

Editor: Syaiful Akhyar

BANJARMASINPOST.CO.ID - Palui akhirnya kawa jua baisi sapeda motor. Karna masih hanyar, Palui saban kamarian bakuliling kota.

Saban ikungan anaknya digoncengkannya. Tinggal bininya lagi balum biasa dibawanya bakuliling kota.

“Aku pang abahnya, kada dibawa bakulilingkah. Kada anak buah haja pang nang handak babuat di buritan,” ujar bininya.

“Kalau ikam handak jua, ayu ai. Tapi jangan kakalubut batatapihan!” ujar si Palui.

“Baapa lagi?” ujar bininya sarik.

“Kaya urang wayah ini, basalawar umanya ai!” ujar Palui.

Limbah itu, tulakai Palui lawan bininya bagoncengan kuliling kota. Kaya urang jua. Duduk kada bahereng lagi, tapi babirangkang kaya kakanakan atau gagadisan wayah ini. Maka rapat ja pulang baragap lawan si Palui.

Pamulaan himungai dibawa bakuliling tu tadi. Asal tadapat lawan urang nang pina dikanal, bininya Palui musti bakuciak. Limbah urang malihat, lalu sabak lambaian.

Tapi limbah sampai sapuluh menit mulai-ai galisah bininya si Palui. Setir balalu pina linggar.

Halaman
12
Editor: Syaiful Akhyar
Ikuti kami di
KOMENTAR

BERITA TERKINI

© 2021 TRIBUNnews.com Network,a subsidiary of KG Media.
All Right Reserved