Si Palui: Stand up Comedy

JADI guru wayah ini harus bisa menampilkan sesuatu nang lain daripada nang sudah ada. Harus berinovasi wan menarik dalam memberikan pelajaran ka murid.

Palui indah kalah, inya malihat perkembangan di tv banyak urang maadakan lumba balucuan, badiri saurangan, dilihat urang banyak. Tatawa saurang atau ditertawakan urang nang manuntun. Ngarannya bahasa laut stand up comedy.

Hari ini silahkan Imit wan Amut maju ke muka kelas, melakukan stand up comedy. Badahulu sakalinya Imit maju. ”Kawan-kawanku, mana tadahulunya ayam wan hintalu? Ayu siapa nang bisa manjalasakan,” jar Imit penuh semangat.

“Hintalu dahulu hanyar ayam?” jawab murid nang bangaran Isna.

“Siapa lagi nang berbeda jawaban?” sahut Imit.

“Ayam dahulu hanyar hintalu,” jawab murid nang lain, Ali.

“Jawabnya semua bujur. Hintalu dahulu ada imbah itu menetas jadi ayam, kemudian ayam dahulu ada, mengeram hintalu , jadilah anak ayam,” jar Imit lancar.

“Waktunya pas,” jar Garbus nang jadi juri.

“Amut maju ke depan?” sahut Palui.

“Susudara-susudari,mana tadahulunya undayang wan nyiur? Amut kada tahu-tahu muha.

“Tadahulu nyiur hanyar undayang,” jawab Ali.

“Tadahulu undayang hanyar nyiur,’ jawab murid nang lain.

“jawabannya bujur keduanya, susudara-susudari-ai,” jar Amut, batapuk tangan murid-murid kasukaan.

Keputusan dewan juri nang dibacakan Palui. ”Karana menambahi susu dalam stand up comedy,maka Amutlah pemenangnya…’ jar Palui. Himung Amut.

Horeee, jar kakanakan sambil bajuget. (aan)