Si Palui: Pegang Erat

Ujar sidin kada kawa bajamaah ya salat sorangan, tapi usahakan bajamaah tarus kaya Palui nih aku lihat kalima waktunya bajamaah, maski gawian barat manarik bentor, tatap inya manyampatakan salat bajamaah ka masjid atau langgar, sidin manyinggung Palui nang suka bajamaah jar sidin malaksanakan salat lima waktu.

“Alhamdulillah Palui ya ikam kawa tarus salat bajamaah,” sahut Tuhirang nang duduk dihiga tuan guru.

“Ingatakanlah salat pegang erat jangan sampai ditinggalakan!” tegas guru.

“Inggih guru ai!” tadarau buhan jamaah bajanji. Lakas sidin manutup tausiah wan lihum tarus Palui karana inya mandapat pujian matan tuan guru.

“Darasi mangaji Lui lah? Sisihakan waktu supaya ikam kawa mangaji tiap hari,” pasan tuan guru ka Palui.

“Inggih guru ai, ulun handak balajar lagi tajwid bahasa Arab kalu ada nang kada pas…” sahut Palui. (aan maulana/penulis matan kuta dudul, HSS)

Ditayangkan di harian Banjarmasin Post edisi cetak, Jumat (13/4/2018)