Si Palui: Pegang Erat

BANJARMASINPOST.CO.ID - Di Tengah zaman gumbalisasi wayahni, kahi­du­pan serba susah ma­sih haja, makanya urang kada segan-segan manipu, merampuk, korupsi, bajual ubat-ubatan tarlarang karana mentalnya sudah rusak.

Makanya, wayahni digalakakan pandidikan karakter atau waktu bahari pandidikan budi pakarti, pandidikan moral Pancasila, supaya manusia Indonesia benar-benar barakhlakul karimah, bartakwa kapada Tuhan Yanag Maha Esa.

”Kita urang Islam ni aku ingat banar bahari ujar guruku Bus ai waktu aku masih di SMP, jar sidin pegang erat atau jar urang hulu sungai ragap pisit-pisit agama Islam nang kita peluk ini,” Palui bapander ka Garbus.

Baca: Di Brownis Ayu Ting Ting Cs, Cita Citata dan Nafa Urbach Ungkap Settingan Acara Hotman Paris Ini

Baca: Aura Mistis di Lapangan Murjani Banjarbaru, Hiii Sering Ada Penampakan!

“Maklum wayahni pina serba bebas Lui ai, dapatnya bujuk rayu, iming-iming duit, iming-iming kemewahan hakun bapindah agama Islam manjadi urang murtad, ada haja kaya nitu kalakuan manusia,” sahut Garbus.

“Makanya pondasi iman nang kuat harus kita tanamkan kapada anak cucu kita matan wayah ni, jangan sampai lengah, wan siapa inya begaul, kalu anak binian wan bini sorang bajilbabkah sudah, kamana wan dimana inya begaul janaki bujur-bujur,” papadah Palui.

“Betul, betul apa jar ikam nitu Lui ai, tampulu masih rabung kalu sudah jadi paring maka bisa patah kalau kita karasi dalam mandidik anak,” sahut Tulamak sakalinya.

“Pandidikan nang baik nitu matan lagi halus jua pang, kalau sudah tuha, maaflah masuk talinga kanan kaluar talinga kiri. Ilat karas sudah dilajari mangaji, wan pambabal alias kada paingatan lagi kalau sudah tuha nitu, tapi kalau sudah tarlanjur tuha hanyar balajar agama, apa bulih buat, lakasi datangi guru agama balajar baduduk bujur-bujur mangaji manganalkan aksara Arab supaya jangan tasalah sambat karana ilat nitu tadi sudah karas,” pasan Palui.

“Ikam pang Lui, sudahlah balajar mangaji lagi bahari?” takun Garbus.

“Ada haja waktu SMP sakali sudah betamat, imbah nitu tamat salalu, sampai wayahni kada biasa lagi betamat, paling talu juz tamandak aku mangaji karana banyak nang dijapai karana sudah bakaluarga naya,” Palui mangakui kekurangan dirinya.

“Lakasi jua datangi tuan guru mangaji bujur-bujur janaki hurup-hurup Arabnya kalau ada nang tasalah ya, jangan manyuruh urang lain haja ikam Lui ai!” sindir Tulamak.

Malam harinya di masjid parak rumah Palui dilaksanakan peringatan Isra Mikraj Nabi Muhammad SAW, banyak urang kampung ka masjid mandangarakan tausiah tuan guru.

”Kita ni hidup di zaman canggih, zaman internet, zaman kebebasan tapi sabuting jangan kada ingat kaluarga sabarataan, pantingnya balajar syariat Islam, jangan kada tahu atau piragah kada tahu wan syariat agama kita sorang,” pasan tuan guru.

Syariat Islam nitu sudah jalas, malaksanakan kewajiban lima waktu salat nang sudah tuhuk diperjuangkan ulih Nabi kita pada isra mikraj ni. Tuhuk banar Nabi kita berjuang supaya salat wajib lima waktu haja. Jaka kada perjuangan Nabi, maka salat wajib ni 50 kali dalam sehari semalam,” lanjut tuan guru.