Si Palui: Parsiapan Mati

BARARASA buhannya ai, waktu sasain sahari sasain tuha umur, akhirnya mati. Jangan tapi banyak lagi urusan, jadi waspadalah, urusan nitu kena tabawa sampai masuk ka dalam kubur.”Bila kada bahinak iya tu sudah, mati ikam Lui ai!” batin Palui.

“Iya jua ikam ni Lui lah, ujar urang bahari kalau ai mambuang perangai, iya kada,” ucap Garbus betamuan wan Palui.

“Bararasa banarkah handak mati sudah ikam Lui?” takun Tulamak.

Baca: Live TVRI! Link Live Streaming Man City vs Liverpool via Streaming TVRI ICC 2018

“Aku marasa tuha banar Mak ai, parak 50 tahun artinya satangah abad sudah, ibarat makan tu kakanyangan sudah, buntau jar urang hulu sungai, jadi tinggal laparnya haja lagi, sadikit dami sadikit akhirnya kalaparan jua ai. Kaya nitu jua umur sasain sahari sasain parak ka liang kubur, makanya aku kada handak lagi banyak urusan. Wayahni bausaha manambah ibadah haja lagi kapada Tuhan baca Quran, salawat, istighfar, zikir wan rajin ka majelis ilmu supaya ibadah kita makin mantap malaksanakannya,” sahut Palui panjang lebar.

“Parsiapan mati adakah sudah ikam manukar tabala, atau basedia amplop gasan salat fardhu kifayah?” takun Garbus rasa mamburinjing bulu awak.

Baca: Link Live Streaming Juventus vs Munchen ICC 2018 Tidak Live TVRI, Ini Alternatif Link Lainnya

“Handak haja pang kaya nitu, tapi ngaran duitnya kada tapi ada jua, jadi kada kawa dahulu basedia amplop atau baulah tabala badahulu,” sambat Palui.

“Nang panting Lui lah baisi tabungan haja, kena bila mati ada haja ahli waris nang manukarakan pakakas gasan kematian nitu,” ucap Tulamak.

“Bujur Mak ai, aku ada pang sadikit dua dikit saban hari manabung, kalu ah tangah malam dini hari kada bahinak lagi, iya kada?” jawab Palui sakalinya.

“Bujur Lui ai,” sahut Garbus sambil manambahakan,” ikam Lui lah, kusaranakan baiknya umpat karnaval urang mati, jadi bubuhan nang bapakaian mayat haja nang maumpati nitu, pas baju pocong kaya mayat tu pang jadinya.”

“Dimana Bus andaknya karnaval nitu?” Tulamak handak tahu.

“Andaknya di Moskow tuan rumah piala dunia tadi, jadi buhannya di situ biar gegap gempita manyambut piala dunia, eh sakalinya ingat jua wan mati,” ujar Garbus lihum.

“Iyakah Bus, jaka ada di hulu sungai naya, umpat jua aku karnaval urang mati, jadi ingat tarus bahwa aku ni kena jadi mayat,” sahut Palui asa mamburinjing pulang bulu awak.

“Makanya bujur-bujur parsiapakan diri gasan manghadapi sakratul maut alias kamatian nitu,” Palui pina musti ka buhannya.

“Wayahni napa nah Lui?” tangguh Tulamak.

“Kada tahu Mak ai aku?” jawab Palui.