Si Palui

Si Palui: Umpan Hayam

BAISUKAN tadi wayah tulak maujek, Palui batamuan wan Garbus nang lagi mambawa hayam tuju ka pasar. Garbus tapaksa manjual hayamnya, lantaran haraga

Si Palui: Umpan Hayam
Dok Banjarmasinpost.co.id
Si Palui: Umpan Hayam 

“Aku ada jua baisian hayam Bus ai, sudah batahun-tahun tapi kada ngalih mambarimakani biarpun haraga bama makanannya sampai sapuluh kali larangnya, tatap haja kuharagu,” ujar Palui.

“Napa makanannya Lui?” ujar Tulamak.

“Makanannya nyaman banar, saban minggu atawa satangah bulan ayamku kubarimakani kartas,” ujar Palui pina baagak.

“Karampuuttt... Palui pangaramput, di dunia ini kadada hayam nang makanannya kartas,” ujar Garbus manumpalak.

“Mana buktinya Lui bahwa hayam ikam makanannya kartas atawa aluminium,” ujar Tulamak handak tahu. “Ayu kita ka rumahku,

lihati hayamku itu lamak banar karna dibarimakani kartas tarus,” ujar Palui malihatakan hayamnya wayah bubuhannya bailang ka rumah Palui.

“Panderan ikam itu mahaluya tarus Lui ai, bujur haja hayam ikam ini dibarimakani kartas karna awaknya tanah liat dan guringnya di dalam lamari,” ujar Garbus manumpalak Palui karna hayam nang diharagunya itu adalah hayam tanah gasan tabungan duit.

“Dengan hayamku ini, aku barancana handak naik haji,” ujar Palui takurihing kahimungan. (tam/rep)

Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved