Si Palui : Dikarukut Bini

Mancikuk si Palui mandangari, kadangaran ka dalam kamarnya oleh bininya. Mangarekot gigi bininya mandangar.

"Kanapa kada ditinggali aku!" ujar si Palui.

"Beres, kami kada handak makan saurangan pang, inya sudah kami suruh mahadang di kamar ikam jua!"

Mandangar kaya itu, bagemet si Palui masuk ka dalam kamar. Dibukanya lawang bagemet supaya kada babunyi, lalu manjinguk sadikit ka dalam. Dilihatnya dasar banaran, sudah barabah di kaguringannya hadap ka tawing. Bagemet ai inya masuk. Limbah mangunci lawang mamacul ka sapatu, mamacul pakaian luar lalu barabah di higa bibinian tu, sambil bagemet mangguncang awaknya.

"Ding, ding.... bapaling pang," ujar Palui.

Bininya pupura kada mandangar. Diguncangnya lagi. Kada heran-heran jua.

"Guringkah ding......, kauyuhankah lagi," Palui mambisiki.

• Si Palui : Iwak Hanyar

• Si Palui : Manyasal Manang

Mandangar ujar Palui kaya itu, kada sabar lagi bininya. Inya bapaling, lalu marungkau si Palui, mangarukut muhanya sambil bakuciak:

"Kurang ajar! Bangsaaaaaat! Lahung laki......! Kaya itu haja rupanya gawian di sini!

Si Palui takajut banar. Kada dikira pang nang bininya saurang ada di dalam kamar.

"Kada lain pang, ini gawian kakawalan! ujar si Palui sambil bukah kaluar kamar. Muhanya habang bagurai-gurai. (hya/rep)