Si Palui
Si Palui : Sandal Balu
HARI itu Palui pina taungut saurangan, duduk di higa lalungkang, matanya pina manarawang jauh. Palui sudah babarapa hari ini pina mangalamun.
lihat foto
BANJARMASINPOST.CO.ID - HARI itu Palui pina taungut saurangan, duduk di higa lalungkang, matanya pina manarawang jauh. Palui sudah babarapa hari ini pina mangalamun.
Sampai-sampai kada tahu Garbus datang lalu duduk di higanya. Malihat kawal pina taungut, Garbus nang duduk di higa Palui itu managur.
"Kanapa Lui ikam pina makin rancak mangalamun?" ujar Garbus marawa Palui nang lagi taungut.
"Mamikirakan nasib," sahut Palui handap.
"Nasib jangan dipikirakan karna sudah tatulis di diri masing-masing, nasib, juduh lahir wan mati sudah ada garisnya," ujar Garbus.
Baca: Edarkan Sabu, Polisi Tangkap Pria Ini Sebelum Melakukan Transaksi
Baca: Sahabat Bekantan Indonesia Resmikan Camp Research Tim Roberts
Baca: Polisi Tangkap Pria Ini Setelah Gelapkan 47 Mobil Rental, Modus Pelaku Sewa Mobil Kemudian Dijual
Baca: Tabrak Mobil Parkir, Salim Tewas Terkapar, Begini Luka yang Dialami Korban
"Bujur ujar ikam itu Bus ai, tagal kita disuruh jua bausaha jangan manyarah wan nasib," ujar Palui.
"Nah, lalu ikam mamikirakan napa?" ujar Garbus.
"Dahulu biasa tajanji wan si Leha, balu-balunya kuhadang jua," ujar Palui batarus tarang.
"Kalu kaya itu ikam kada usah sakit hati Lui ai, karna si Zaleha sudah sarak wan lakinya. Inya kada sawat babaikan, lalu basarakan," ujar Tulamak umpat manyanangakan hati Palui.
"Balum kawa Mak ai, karna balum cukup idah," ujar Garbus.
"Kada parlu ba-idahan Bus ai karna kada sampat dilukupi," ujar Tulamak.
"Manurut hukum parkawinan, sampat atawa kada sampat dilukupi, bila basarakan harus cukup idah hanyar bulih balaki pulang," ujar Garbus.
"Masalahnya Mak ai, kada karna cukup atawa kada cukup masa idah, tapi abahnya nang mangaras banar kada hakun aku jadi minantu sidin," ujar Palui pina sadih.
"Kalu ikam bujur-bujur handak Lui ai dan wani mananggung risikunya, kaina aku nang ma-aturnya, pasti beres," ujar Garbus.
"Kaya apa caranya Bus?" sahut Palui pina basamangat.
Baca: Diserang Separatis Bersenjata di Nduga, Satu Anggota TNI Gugur
Baca: Bakal Calon Bupati Kotim Mulai Sosialisasikan Diri, Ketua Dewan Ini Siap Maju Lewat Jalur Perorangan
