Si Palui: Bulih Bini 2

Disahut ulih nang bini, “pipa datang, pipa datang...!” Tanganga Paluinya.

“Apa jar ikam umanya?” Palui asa bingung.

“Ujar ulun te pipa datang, cuba ja pasti karas sudah pipa pian nitu?” jawab nang bini lakas Palui mangarti.

“Paham aku umanya ai, tapi ni masih siang harinya,aku puasa nah lagi,” sambat Palui. Tapi tahu haja kalu malam ni pesawat cagar mandarat, Palui lihum.

Imbah tuntung buka puasa barsama, Palui asa galisah, masih sampat harinya. Kena haja ai dahulu imbah tarawih sadang ai, pina landing malamnya, batin Palui.

Imbah tuntung tarawih di masjid nitu, Palui lakas bulik ka rumah, kada umpat inya tadarusan. Palui lakas masuk ka rumah, manggandeng bini masuk ka dalam kamar, sambil masuk ka kamar nitu nang bini baucap. ”Kalau manurut agama kada dibuilhakan abahnya ai, lapangan basah didarati ulih pesawat,” ujar nang bini tenang haja inya.

“Uh iyakah, masih hajakah basah lapangan, padahal malam Jumahat tadi lagi basah jua umanyalah?” Palui bagaru kapala.

“Lapangan basah nitu abahnya ai, 6 hari hitungannya, jadi besabar ai pian?” sahut nang bini bijak.

Marung muha Palui wan pina begaru kapala tarus inya.”Han jarku, makanya Islam tu mambulihakan bini 2 supaya kalau bini tuha lapangan basah, bini nang anum kawa malayani laki, tahulah umanya?” singgung Palui.

“Eh abahnya ai??” nang bini lakas maninggalakan Palui kaluar kamar. (aan maulana/penulis matan kuta dudul,HSS)