Si Palui: Is Cindul

“Handak nginum..!” sahut Nini.

“Mun dintu ... salajuran jua ulahakan aku kupi susu,” jar kai bapasan.

“Dicatat pasananku nituh, supaya kada kalumpanan!” jar si kai pulang.

“Ih.. Hahh ..!! Baya nitu haja kada usah bacatatan gin, aku ingat haja!” ujar Nini sambil tarus mangalunyur ka dapur.

Salang babarapa waktu kamudian, Nini kaluar matan dapur sambil mambawakan kai sacangkir banyu satrup.

“Han napa tia ..! Salah-lah muntungku,” jar kai pina ciling-ciling. Kanapa aku dibawaakan banyu satrup!!? Makanya jarku tadi pasananku dicatat, supaya kada kalumpanan. Tapi ikam mangaras kada hakun mancatat. Sakalinya dasar tasalah jua-ai!” kai gagarunum.

“Mimangnya tadi hampiyan bapasan napa kai?!!” takun nini agak ragu.
“Is cindul..!! Aku handak marasa-i is cindul’ nang ikam tukar kisukan tadi,“ jar Kai kada tatahu muha.

“Ha..ha.. kai...kai..! Cakada paparakannya kupi susu awan is cindul Kai-a!”
Salidik punya salidik, sakalinya cucuk haja badudua si nini kada paingatan, si kai-nya pangalumpanan ..! (Ifan, sahibul hikayat matan rawasari)