Kapamalaran Palui

“Nginum kupi ini malajuakan jantung supaya sihat,” ujar Palui sambil babarapa kali manginum kupinya dan jari tangannya kakariwit di talinga cangkir, barikit banar kada kawa mamacul.

“Ayu kita bulikan Lui, hari parak magrib lalu kita mandian dan kaina ka langgar pulang,” ujar Tulamak.

“Ayu ja kita bulikan, barapa samunyaan cil? Cangkir batangkai sampiyan ini baik banar kambangnya, kawalah kutukari sabuah gasan anakku karna inya katuju banar cangkir kaya ini,” ujar Palui sambil manating cangkir nang barikit di talunjuknya.

“Mustinya ikam tukari samunyaan satangah lusin Lui ai, jangan sabuah haja?” ujar pakacil Udin paham sambil tatawa karna malihat Palui kada kawa mamacul jarinya di talinga cangkir. Ahirnya Palui mambayari haraga minuman wan sakaligus tapaksa manukari samunyaan, jumlahnya jadi salawi ribu.

Malihat Palui mambayari samunyaan itu, Garbus wan Tulamak lihum dan dalam hatinya bapikir daripada Palui indah rugi banyak mambayari makan nginum di warung acil Irus, malah harus kaluar lima kali lipat, “Dasar kapamalaran Palui,” ujarnya. (mht/rep)