Si Palui

Si Palui : Dibatasi

KADA kaya biasanya Tulamak saharian ini pina kada tapi banyak basuara.

Si Palui : Dibatasi
Dok Banjarmasinpost.co.id
Si Palui : Dibatasi 

BANJARMASINPOST.CO.ID - KADA kaya biasanya Tulamak saharian ini pina kada tapi banyak basuara.

Imbah anu talihat inya rancak banar mangalamun. Amun dipanderi paling jawabannya baanggut atawa bageleng kapala haja.

Mak.. ui Tulamak. Napa haja nang dipikirakan maka pina taungut tarus? ujar garbus. Rupanya munyak jua inya malihat Tulamak nang kada tapi sing bunyian.

Anu.. aku sadih, banyak banar makanan nang kada bulih dimakan, kada bulih makan daging, kada bulih makanan nang baminyak-minyak, jangan makan nang masin-masin, kurangi nginuman bagula, macam-macamlah, ujar Tulamak pina kaciwa.

Itu artinya awak ikam nang lamak itu tarancam bamacam-macam panyakit Mak ai, ujar Garbus.

Kalu sudah ada pantangan wan banyak makanan nang kada bulih dimakan, itu artinya ikam sudah diparingatkan ulih Tuhan, ujar Palui umpat manyahut.

Diparingati kaya apa Lui? ujar Tulamak kada paham.

Ikam sudah diparigati Tuhan supaya jaga kasihatan wan jangan talalu rakus lagi bamamakan, ujar Palui.

Ikam ini talalu pintar Lui ai, kanapa maka wani mamadahakan Tulamak itu diparingati Tuhan hanya gegara inya disuruh maatur makanannya, ujar Garbus malawanakan Tulamak.

Kita hidup ini, samunyaan razaki sudah diatur ulih Tuhan. Jadi bila Tulamak kada dibulihakan mamakan jenis makanan tertentu baarti sudah dibatasi razakinya, ujar Palui.

Banjarmasin Post edisi Rabu (25/3/2020).
Banjarmasin Post edisi Rabu (25/3/2020). (Dok Banjarmasinpost.co.id)
Halaman
12
Editor: Didik Trio
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved