Si Palui

Pak Mantri

Tapi walaupun jarang banar bulik tatap haja satiap hari mangirimi kul wan aruwah abah umanya

BPost cetak
Si Palui edisi bpost cetak Rabu (6/5/2020) 

BANJAMASINPOST.CO.ID - PULUHAN tahun Palui madam ka banua urang, hanya sakali dua kali haja bulik ka kampung ziarah ka kubur abah umanya. Inya talawasi madam karna baangkut sarumahan wan anak bini jadi tangalih sadikit bulikan. Tapi walaupun jarang banar bulik tatap haja satiap hari mangirimi kul wan aruwah abah umanya. Kul itu samalam dikira kul gasan ganganan sakalinya sadakah kulhuallah.

“Aku katuju haja ikam madam ka banua urang gasan mancari pangalaman apalagi awak masih anum. Di pamadaman biasanya kita tacangkal bausaha karna bila kada bausaha baarti kada kawa makan. Kalu di banua bacari atawa kada bacari tatap haja makan kada cagar kalaparan karna ada nang diumpati,” ujar mintuhanya.

“Salain kita bacangkal bacari dibanua urang itu, sakit atawa sanang kada kalihatan kaluarga jadi kita kada supan. Kaya aku ini bamacam-macam gawian nang sudah bisa kugawi. Banyak pangalaman ba arti banyak kaahlian ujar Palui baagak wan Garbus.

“Kalu kaya itu kami umpatai balajar wan ikam napa nang bisa kami gawi nang kawa mandatangakan duit gasan baruku,” ujar Garbus.

“Gawian di kuta itu macam-macam kada kawa ditiru disini, jadi makelar atawa manangkulak. Karna kita disini musti kada sampai hati manangkulaki papadaan,” sahut Palui.

Imbah Palui badadapatan wan kakawalannya di banua, lalu babulan-bulan kada muncul lagi di warung. Rupanya inya bapatak di rumah baulah kandang, mambarasihi halaman wan mambaiki palatar.

“Kamana kawal kita si Palui nang bunyi harat banyak pangalaman bagawi di kuta?” ujar Garbus.

“Aku kada tapi parcaya panderannya karna jaka hidup di kuta itu nyaman musti inya kada bulik ka banua,” sahut Tulamak.

“Nah...... itu anaknya, cuba takuni kanapa maka abahnya kada cangul-cangul mangawan kasini,” ujar Garbus.

“Uuuuiiii.. si Anang, kamana abah ikam pina bapatak dirumah tarus, handak jadi habib kalu bahalwat,” siang malam ujar Tulamak.

Halaman
12
Editor: Edinayanti
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved