Si Palui
Si Palui : Hidung Parak Pipi
Palui wan Garbus rami mamandirakan acara tivi wayahini nang kadada supan-supan lagi bajajapaian, bapalukan wan bacaciuman walaupun lain muhrimnya
lihat foto
“Napa salahku Bus, napa salahku Bus maka ikm manampiling aku,” ujar Talamak.
“Itu nah.......Palui bakisah bahwa samalam ikam bajalanan wan galuh Putih lalu hidung ikam parak banar wan pipi, jadi ikam handak manciumlah? Kurang ajar,” ujar Garbus.
“Bujurkah Lui aku mancium galuh Putih, dimana ikam malihat wan napa buktinya, ayu buktikan!” ujar Tulamak bamamai.
“Sabar Mak, sabar Bus, baiknya barunding dahulu jangan langsung main tampiling. Aku bujur haja ada bakisah wan Garbus bahwa samalam ikam bajalanan wan galuh Putih, hidung ikam kupadahakan parak banar wan pipi. Cuba pang pikirakan, bujur atawa kada bahwa hidung ikam parak wan pipi. Karna kalu hidung jauh wan pipi ngarannya panjadian. Aku kadada mamadahakan bahwa hidung ikam parak wan pipi si Galuh tapi hidung ikam parak wan pipi ikam jua,” ujar Palui bahasil mangompori Garbus. (mht/rep)
