Si Palui: Lautan Cinta

WAYAHNI Palui kada tapi handak salawas-lawas lagi bahurun wan kakawalannya, inya lakas haja muhun pamit dangan alasan mahadiri majlis zikir nang ada di masjid-masjid. Malam Sabtu di masjid A, malam Sanayan di masjid B, malam Rabu di masjid C, wan kamarian Jumat di masjid D, Sudah sudah banyak perubahan pada diri Palui wayahni. ”Tampulu umanya ai, aku masih sigar diwaras, jadi umpat tarus mahadiri majlis zikir di kuta dudul naya,” ujar Palui ka bininya.

“Ulun maka am saurangan ditinggalakan, kaya apa ni!” sahut nang bini.

“Kalau kaya nitu labih baik umpat jua ikam, kita baimbaikah turunnya,” sambat Palui.

Akhirnya bini Palui umpat jua mahadiri majlis zikir, daripada bingung ditinggal saurangan di rumah. Rami Palui dua laki bini umpat bazikiran tiap malam.

”Kamana Lui dua laki bini, baju putih-putih?” takun Garbus.

“Kami handak ka majlis zikir Bus ai, daripada malihat tv tarus di rumah, baik ka majlis zikir Bus lah,” sahut Palui.

“Iya silahkan Lui ai, mudahan aku dapat hidayah, kawa jua kena umpat ka majlis zikir,” sahut Garbus.

“Kada usaha mahadang dapat hidayah lakasi ha iringi kami ka masjid!” sindir Palui. Habang muha Garbus.

Bazikiran Palui wan urang banyak lainnya. Perasaan Palui manyatupadu wan urang nang dicintaiNya. ”Lailaha illallah,” Palui bazikir mairingi pimpinan majlis zikir, isak tangis Palui wan jamaah lainnya.

“Aku tenggelam dalam lautan cinta kapada Allah Taala,” batin Palui maisak manyarahakan diri dalam panghambaan kapda Tuhannya.

majlis zikir.

“Taubat ya Allah ulun taubat, muhun ampuunn..,” Palui masih maisak tangis.

Talu hari kemudian ada habar urang maninggal dunia nang umpat jamaah zikir nitu. Palui umpat jua malayat.

”Kamana Lui ikam, kada turun kah ka sakulahankah?” takun Tulamak.

Aku handak malayat Mak ai, ada angguta jamaah majlis zikir nang maninggal dunia,” sambat Palui.