Si Palui

Si Palui: Jadi Memeras

Karna muyak manganggur itulah ahirnya Palui mawaniakan tulak madam ka kuta. Di kuta sawat jua inya pusang, karna kada dapat gawian.

Si Palui: Jadi Memeras
DOK/BPOST
si Palui Jadi Pemeras 

BANJARMASINPOST.CO.ID - WAYAH kampung Palui gagal bahuma karna dihantam tikus dan babi maka bubuhannya batahun-tahun manganggur. Padahal, tahun sabalumnya pahumaan bubuhannya babulan-bulan kaba’ahan, tanamannya mati dan buruk karna tarandam banyu.

Karna muyak manganggur itulah ahirnya Palui mawaniakan tulak madam ka kuta. Di kuta sawat jua inya pusang, karna kada dapat gawian, namun inya kada putus asa. Ahirnya atas bantuan mamarinanya, Palui digawiakan di pabrik kawannya.

Rupanya gawian itu cucuk wan kahandaknya, bagawi dalam gudang kada kapanasan, bagawinya mulai subuh sampai tangah hari, dan dapat gaji saminggu sakali yaitu satiap Sabtu.

Karna marasa sudah hidup nyaman, kawa manukar baju salawar, manukar galang jam, sipatu dan kawa jua manabung, maka imbah bagawi satahun Palui minta ijin handak bulik mailangi kuitannya.

Sabalum bulik inya bakirim surat wan adingnya manakunakan kaadaan banua, apakah pahumaan sudah kawa ditanami lagi. Lalu minta habarakan wan kakawalannya bahwa bila handak umpat bagawi basiap-siap haja kaina tulakan baimbai wan inya.

Wayah Palui sudah ada di banua, maka bubuhannya marasa hiran banar malihat Palui sudah kaya urang sugih.

"Kaya apa haja aku umpat Lui ai, tulung bantu aku supaya kawa bagawi wan ikam," ujar Garbus.

"Kalu ikam cuma mambawa si Garbus, haja bararti kada adil bakawan karna kada mambawai aku," ujar Tulamak umpat bakajal.

"Siapa haja bulih umpat, karna digawianku itu masih mancari tanaga tambahan," ujar Palui. "Tapi tarus tarang haja gawian ini mamarlukan kaahlian tangan, ujar urang wayahini memerlukan ketrampilan tangan. Makin trampil makin banyak pakulih dan makin banyak dapat bagian gajinya," ujar Palui.

"Wah ... kalu sual katarampilan tangan maka aku kada kawa Lui ai karna aku ini awak lamak jadi kada kawa bagerak cepat," ujar Tulamak.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved