BPosat Cetak

Si Palui : Ilmu Palui

Kampung Palui tamasuk kampung nang rakat. Saban malam Jumahat pasti haja takumpulan buhannya bayasinan.

BPost Cetak
Si Palui : Ilmu Palui 

Editor : Hari Widodo

BANJARMASINPOST.CO.ID - Kampung Palui tamasuk kampung nang rakat. Saban malam Jumahat pasti haja takumpulan buhannya bayasinan. Nang kada suah ka langgar gin, amun malam Jumahat pasti umpat jua ka langgar. Limbah isya langsung bayasinan ka rumah nang kana giliran. Tabarungan malam ini takana wadah Tukacil.

"Mun malihat pangalaman, tukacil ni pasti makanannya nasi sop," ujar Garbus wayah tulakan ka wadah Tukacil.

"Ikam ni pina panahunya bus ai," ujar Palui.

"Aku kada pina panahunya, karna saban baaruhan di wadah Tukacil, pasti menunya nasi sop, ayamnya racikannya halus ja lagi," ujar Garbus.

"Wadah bubuhan ikam sudah kusiapakan," ujar Tukacil wayah bubuhannya sampai. "Guru baluman datang lagi," ujarnya paham.

"Nah, itu ngarannya kawan nang paham," ujar Tulamak langsung baduduk diluar.

"Kami ini sapaguruan Cil ai, limbah balajar ilmu, makanya duduknya harus di luar," ujar Palui mamadahi.

"Ilmu napa itu Lui? Kanapa maka harus baduduk di luar," ujar Tukacil kahiranan.

"Ikam dasar balum sampai ilmunya, amun balajar ilmuku ini, pasti ikam harus baduduk di luar supaya yasinan ikam khusu. Amun di dalam ikam taganggu, urang lain jua taganggu," ujar Palui mamadahi.

Halaman
12
Editor: Hari Widodo
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved