Mahadang SK

“Umur ikam wayahini barapa tahun Lui?” ujar Garbus.

“Parak 50 tahun,” sahut Palui sambil kuhuk-kuhuk batuk.

“Ijazah napa nang ikam umpatakan Lui?” ujar Garbus.

“Ijazah kejar paket A dan ijazah mangatik sapuluh jari. Karna samunyaan syarat itu

sudah kupanuhi maka aku disuruh mahadangi SK-nya,” ujar Palui.

“Sudah barapa tahun ikam mahadangi SK itu Lui?” ujar Garbus mahimati karna inya

tahu bahwa Palui kada mungkin diangkat jadi PNS karna umurnya sudah tuha, bapanyakit batukan dan ijazahnya cuma sadarajat SD.

“Aku mahadangi SK itu Bus ai sudah parak lima balas tahun,” ujar Palui pina sadih.

“Salamat mahadangi SK sapuluh tahun lagi, mudahan kada SK Tuhan nang datang,” ujar Tulamak mahuhulut. (ivd/mht/rep)