Si Palui: Palui Pangarasan

SARABA cakap si Palui ini sakalinya,wan kada panyarikan, jadi rami bekawanan, kada mau tapahual. Malahan urang lain ja nang purun mahuali atau mambunguli inya.

”Ikam Lui ai rajin latihan wan tamasuk urang nang nyaman diatur, minggu kena kuumpatakan tulak ka Jakarta,” ujar Amang Zulham, pelatih tari-tarian daerah di kampung Palui.

“Ulun tasarah pian haja Amang Zulham lah. Bila dibawa syukur Alhamdulillah kawa jua malihat taman mini wan monas kena di sana,” ujar Palui lihum bapair.

“Jaga kesehatan, jangan tapi banyak bagadang, kena pas hari H nya kalu garing, Makalahan am batinggal…,” sahut Amang Zulham pelatih tari nang kesohor dari Hulu Sungai.

‘Siap kumandan,” jawab Palui batabi ka Amang.

Handak berangkat ke Jakarta Palui, kada lupa wan kawannya Garbus, Tulamak. ”Oh,buhannya, tolong doa lah, mudahan aku selamatan sampai tiga hari berada di Jakarta, selamatan sampai bulik ka banua pulang,” ujar Palui bapamitan.

“Iya kami doa kan banar, mudahan ikam sukses selalu,” sahut Garbus.

“Lui, jangan sagamit-gamit wan gadis Betawi lah, ada kada kawa bulik kena,” ujar Tulamak bagaya.

Sampai di dalam pesawat Singa Air, Palui wan rumbungan penari Japin Ampar-Ampar Pisang, takumpulan bersama penumpang luar daerah lainnya. Palui disuruh pramugari nang bungas agar memasang sabuk pengaman, supaya pisit, kada tapi tagarak wan disuruh matikan hapi. Kemudian inya dirawa jua ulih urang luar daerah.

”Maaf pak, nama Palui Pangarasan, itu marga apa?” takun penumpang nang batatai Palui di sebelah kanan, inya malihat Palui mambaca tiket tertulis Palui Pangarasan.

”Oh itukah, Pak? Pangarasan itu marga diguliming, jadi karas tarus…,” ujar Palui lihum saurangan. Bingung penumpang nang batakun itu.

Baik jua Amang Zulham nang duduk disebelah kiri Palui lakas mambari penjelasan. ”Itu maksudnya, pak? Senjata Palui sering diraba-raba, sehingga keras terus…,” ujar Amang Zulham sambil menunjuk jari ke silawar Palui nang kalihatan senjatanya menungkat.

“Oh ya… ya…,” saya mengerti,m as?” ujar penumpang di sebelah kanan Palui sembari matanya melotot ke silawar Palui nang menungkat senjatanya itu.

“Kenapa pian tatawa,p ak?” takun Palui asa tasinggung.

“Ini Lui cuba japai silawar ikam, senjata ikam tuh, menungkat tarus, kalihatan banar tua?” ucap Amang Zulham sambil maarit tatawa.