Si Palui

Si Palui: Kada Wani Malawani

BUBUHAN Palui, Garbus wan Tulamak sudah lawas banar bakawan, sudah matan halus hidup sakampung sampai baanak wan babini.

Si Palui: Kada Wani Malawani
Dok Banjarmasinpost.co.id
Si Palui: Kada Wani Malawani 

BANJARMASINPOST.CO.ID - BUBUHAN Palui, Garbus wan Tulamak sudah lawas banar bakawan, sudah matan halus hidup sakampung sampai baanak wan babini. Jadi napa haja kalakuan kakawalan masing-masingnya sudah maklum haja.

“Ada banyak syarat supaya bakawan itu awet,” ujar Garbus.

“Hau, kanapa maka ikam baucap kaya itu Bus? Apakah bakawan kita ini kada baik?” ujar Tulamak.

“Maksudku supaya bakawan itu awet wan lawas maka harus ada saling pangartian, kada curiga, jujur, ihlas, hakun kurang labih dan hakun bakalah,” ujar Garbus.

“Aku akur banar Bus ai, tapi kawal kita si Palui itu nang pina paharatnya, cakah, rakus, pamalar,” ujar Tulamak.

“Palui itu sabujurnya urangnya baik, jujur dan jarang sarik,” ujar Tulamak.

“Tapi... tapi aku nang paling kada katuju adalah inya itu pandandam, pandandam banar,” ujar Tulamak.

“Sifat pandandam Palui itu adalah sifat bawaan matan lagi dalam parut. Mungkin wayah umanya mangidam dahulu ada nang kada tulus,” ujar Garbus malamahi.

“Mana Paluinya kadada kalihatan padahal kita sudah bajanji tulak baimbai ka masigit,” ujar Tulamak mambawai tulakan ka masigit handak ba-isya salajur tarawih.

“Mak, uiii... Mak, itu Paluinya sudah ada parak dauh, mahadang waktu isya. Mungkin hari ini inya mandapat giliran mancatuk dauh,” ujar Garbus mambawai Tulamak mamaraki Palui. Balum sampai ka wadah Palui, babunyi tanda waktu isya dan Palui pun basiap-siap mulai dauh.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved