Si Palui

Si Palui: Tatap ABG

KADA lawas tadi tadangar habar Palui babini anum. Inya baalasan kanapa maka inya kawin pulang itu karna inya kasihan wan bini tuhanya.

Si Palui: Tatap ABG
Dok Banjarmasinpost.co.id
Si Palui: Tatap ABG 

BANJARMASINPOST.CO.ID - KADA lawas tadi tadangar habar Palui babini anum. Inya baalasan kanapa maka inya kawin pulang itu karna inya kasihan wan bini tuhanya. Sama sekali kada bamaksud manyakiti bini, malah maringanakan gawiannya karna bini tuhanya itu marasa kauyuhan banar, mana bamasak, batatapas, ka pasar, manyapu, mahuan anak lalu tiap tahun batianan pulang. Karna kasihan wan bini itu lah, makanya sual batianan ini dialihakan ka lain, ujar Palui mangajal alasannya.

Asal mulanya cuma diantara bubuhan kakawalannya haja nang tahu rahasia Palui itu. Tapi lawas kalawasan, sabulan dua bulan, akhirnya sampai jua katalinga bini tuhanya. Mulanya bini tuhanya itu kada rela diduaakan Palui, tapi karna sudah talanjur akhirnya inya tapaksa manarima haja.

"Napapun alasan ikam itu Lui ai tatap ikam manyakit hati bini. Bibinian itu paling takutan dimadu. Tahabar biasa bajalanan wan bibinian atawa tahabar bagagandakan haja sudah sakit banar hatinya," ujar Tulamak maniwas Palui.

"Bujur haja lalakian dibulihakan babini labih dari saikung tapi harus bujur-bujur adil dalam segala-galanya, karna biasanya musti kada adil," ujar Garbus umpat maniwas.

Tanyata bukti ketidakadilan nang dipanderakan Garbus itu dialami jua ulih Palui wan bini tuhanya. Palui sudah kada adil lagi mambagi giliran guring, rancak bakaramput, makin panyarikan dan tasalah sadikit haja sudah bamamai.

Malam itu kalihatan banar Palui kada sayang lagi wan bini tuhanya, pina kada mahirani, acuh haja wayah handak guringan. Karena acuh itu maka bini tuhanya mulai bausaha manarik parhatian Palui. Mulanya inya basinghaja babaju tipis hingga kalihatan kutangnya supaya Palui tagiur. Tapi nyatanya Palui tatap acuh tak acuh.

Karna Palui kada mahatiakan, maka bininya mamacul baju tipis tadi dan hanya bakutang dan kalihatan pusat, lalu bajalan mamaraki Palui. Tapi Palui tatap haja kada tagiur. Jangan tagur, manulih haja kada.

"Sakali ini aku bahimat manarik parhatiannya, karna biasanya bila inya malihat aku kada bakutang maka inya langsung haja baribai mamalukku," ujar bini Palui dalam hati.

Eee... sakalinya, biar dirayu kada ba-BH, tatap haja Palui kada baliur malihat bini tuhanya itu.

"Kalu aku balapas kutang dan inya tatap kada tatarik, maka sakali ini aku langsung batilanjang supaya inya takisir," ujar bininya lalu bajalan mamaraki Palui.

Rupanya imbah malihat bininya batilanjang, Palui mulai tabunciling matanya maihiti bini batilanjang, lalu baucap:

"Ui ding, kada tasalahkah?" ujar Palui managur.

"Ulun kada tasalah kaka ai, pian jua kada mahirani ulun tapaksa ulun batilanjang," ujar bininya.

"Ooo... batilanjangkah? Kukira ikam babaju unyak. Kulihat pina takalidut, pina jajai, pina batangkal-tangkal, pina lanjut," ujar Palui manarik bininya mambawai guringan.

"Maklum sudah tuha ka ai, banyak anak, makanya saraba lanjut, saraba takariput, unyak jajai, tapi layanan tatap ABG," ujar bini Palui manyanangakan lakinya kada hakun kalah wan bini anum. (ivd)

Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved