Si Palui

Si Palui: Bajual Sasapu

BAHARI Palui biasa bajualan kuliling kampung. Barang dagangan nang macam-macam itu dihangkutnya pakai sapida sambil bakuriak manawarakan barang

Si Palui: Bajual Sasapu
Dok Banjarmasinpost.co.id
Si Palui: Bajual Sasapu 

BANJARMASINPOST.CO.ID - BAHARI Palui biasa bajualan kuliling kampung. Barang dagangan nang macam-macam itu dihangkutnya pakai sapida sambil bakuriak manawarakan barang dagangannya. Mula-mula barang nang dijulanya sadikit macamnya, limbah lawas, macam barangnya batambah. Biar saraba sadikit, tagal saraba ada, sampai ada urang nang manyambat pakacil Palui tu tuserba kuliling.

"Kalu bajualan napa haja nang panting kita harus jujur," ujar Palui mamulai bakesah.

"Jujur kaya apa Lui?" Garbus batakun.

"Jangan sampai karna handak bahujung banyak lalu bakaramput. Cuntuhnya ada pedagang nang handak bahujung banyak itu lalu bakaramput sampai wani basumpah-sumpah," ujar Palui.

"Basumpah kaya apa Lui?" balas Garbus.

"Umpamanya baucap ‘sumpah nah kada bahujung, kujual mudalnya haja karna papadaan itu gin haraga tukaran dahulu’," ujar Palui mambari cuntuh.

"Kalu nang kutahu Lui-ai, urang banjualan itu rancak maikari di timbangan atawa di takaran," ujar Tulamak nang mula badiam haja mandangari.

"Sama haja itu tamasuk kada jujur jua karna mangaramputi nang manukar," ujar Palui.

"Aku akur pandapat ikam itu Lui ai, artinya kalu jadi padagang jangan sampai bakaramput. Biar bahujung sadikit tapi kada mananggung dosa," ujar Tulamak magin basumangat.

"Aku parcaya Palui jujur wan dagangannya payu banar apalagi wayah inya bajual sasapu bakukuling kampung kita ini," ujar Tuhirang sambil takurinyum.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved