Si Palui

Si Palui Sudah Diludahi

Malihat Palui manunjuk kupi cangkir ganal, Tulamak nang mulai tadi mandangarakan panderan Palui wan Garbus, lalu baucap

Si Palui Sudah Diludahi
dok/bpost
Si Palui 

BANJARMASINPOST.CO.ID - PALUI wan kakawalannya Garbus, Tulamak dan Tuhabuk umpat bagawi di pambangunan parumahan. Karena bangunan rumahnya banyak, bubuhannya tapaksa umpat guring bamalam di gudang pamburung.

Sudah kabiasaan bila pambangunan banyak, pasti ada urang nang mambuka warung. Makanya, sual makan nginum kada parlu bamasak saurang karna warung itu hakun haja mahutangi dan bayar tiap hari Sabtu sahabis gajian saminggu sakali.

"Tarus tarang haja tiap baisukan aku kada biasa makan nasi Bus ai," ujar Palui. "Padahal, kulihat ikam tahan banar sampai tangah hari kada lapar-lapar, lalu wan napa maisi parut Lui?" ujar Garbus.

"Bahanu kuisi wan lapat atawa katupat, bila lapat kadada maka kuisi wan gumbili kayu atawa gumbili layap," ujar Palui.

Baca: Peredaran Narkoba di Sampit Makin Parah, Polisi Tangkap Tiga Pengedar Sabu

Baca: Driver Ojol Ini Bikin Melanie Subono Ingat Perbuatannya 23 Silam, Ternyata Lakukan Ini

Baca: Tak Ada Anggaran Beli Mobil, Begini Cerita Buick 8 Bisa Jadi Mobil Kepresidenan Pertama Soekarno

"Sama haja Lui ai, dua bigi lapat atawa sagumpal gumbili sama kanyangnya wan sapiring nasi," ujar Garbus mananatawakan.

"Tapi nang manguati parutku sampai tangah hari itu Bus ai, tiap baisukan aku pasti mamasan kupi sacangkir ganal," ujar Palui sambil manunjuk cangkirnya nang ba-andak di higa lawang.

Malihat Palui manunjuk kupi cangkir ganal, Tulamak nang mulai tadi mandangarakan panderan Palui wan Garbus, lalu baucap:

"Itu lain cangkir ganal Lui ai, tapi itu rantang," ujar Tulamak sambil lihum karna inya sudah rancak umpat manginum bila Palui kadada.

Sabujurnya Palui sudah curiga jua bahwa kupinya dalam cangkir itu ada nang umpat manginum, karna hanyar dihirup talu ampat taguk sudah batangah cangkir puangnya. Karna kakarancakan dinginum urang maka Palui muyak jua, lalu diakalinya

. Imbah kupi itu dinginumnya ampat lima taguk, lalu di atasnya diandakinya kartas batulisan 'harap jangan dinginum karna sudah kuludahi.'

Palui yakin haja bahwa pasti kupinya aman dan kakawanannya pasti kada wani manginum karna sudah diludahinya.

Baca: Wayang Gung Anak Dipentaskan Sanggar Seni Ading Bastari Barikin di Taman Budaya Kalsel

Baca: Skor Akhir Manchester City vs Tottenham Hotspur 2-2, Heading Lucas Moura Selamatkan Lilywhites

"Aman, pasti aman. Kada mungkin bubuhannya hakun manginum kupi nang sudah kuludahi," ujar Palui wayah istirahat handak nginum tangah hari. Eee ... sakalinya Palui takajut banar karna wayah inya mambuka tutup cangkir handak nginum, dihiga cangkir itu dilihatnya ada kartas batulisan ‘sabaiknya jangan dinginum karna kami umpat jua maludahi.’

"Bangsat, padahal aku hanya handak manakutani haja maka pura-pura kuludahi, sakalinya si bangsat ini bujur-bujar maludahi," ujar Palui gagarunum kasasarikan kada jadi nginum tapi kada wani jua manuduh kakawalannya karna takutan kalu pina dikaruyuk bubuhannya. (mht/rep)

Editor: Hari Widodo
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved