Si Palui

Si Palui: Mambuka Cabang Hanyar

ALUI salawas diangkat jadi kapala gudang di parusahaan inya bagawi, handak kada tapi ada di rumah. Baisukan tulak, kaina tangah malamnya hanyar bulik

Si Palui: Mambuka Cabang Hanyar
Dok Banjarmasinpost.co.id
Si Palui: Mambuka Cabang Hanyar 

BANJARMASINPOST.CO.ID - PALUI salawas diangkat jadi kapala gudang di parusahaan inya bagawi, handak kada tapi ada di rumah. Baisukan tulak, kaina tangah malamnya hanyar bulik ka rumah. Bisa jua takaisuk siangnya. Bilang handak nangkaya itu haja saban hari.

Mulanya bini Palui maklum haja wan gawian lakinya itu. Tapi lawas kalawasan inya pusang jua karna ada panderan-panderan urang nang kada nyaman didangar. Salain itu wayah ini Palui bilang kadada baisi waktu lagi gasan anak-bini.

“Dimaklumi hajalah umanya, tugas kantur,” ujar Palui mamanderi bininya.

“Balaki babini itu harus saling parcaya,” sahut bininya.

“Makanya ikam jangan parcaya kalu ada macam-macam sas-sus,” ujar Palui.

“Hi-ih, bahanu kada parcaya tapi bahanu rasa curiga jua,” ujar bininya.

“Makanya parcayalah wan muntungku, pasti kada diraguakan lagi,” ujar Palui babujur diri.

“Lalakian itu banyak akalnya,” ujar Tulamak umpat malawanakan bini Palui.

“Aku kada curiga kaka ai tapi bahanu hati bibinian ini bagaritik jua. Salawas baisian jabatan di kantur, sampiyan jarang bulik ka rumah. Kalaupun bulik, tangah malam hanyar datang,” ujar bini Palui pina mulai mambuka karaguannya.

“Wayah ini di kantur lagi sibuk-sibuknya umanya ai, karna kantur lagi mambuka cabang hanyar di Tanjung,” ujar Palui pulang.

Halaman
12
Editor: Didik Trio
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved