Si Palui

Si Palui : Karas Kapala

GARBUS wan Tulamak rami mamander Palui wan bininya nang hanyar ampat lima tahun kawin,

BPost Cetak
Si Palui : Karas Kapala 

Editor : Hari Widodo

BANJARMASINPOST.CO.ID - GARBUS wan Tulamak rami mamander Palui wan bininya nang hanyar ampat lima tahun kawin, tapi sudah baruput anaknya. Balum bisa basasar anak nang hanyar lahir, sudah lima bulan pulang nang bininya batianan.

Rupanya disamping pabriknya dasar baik wan rupanya Palui laki bini ini kada kawa tahayut sadikit haja lalu bapruduksi pulang.

“Aku mandangar haja panderan bubuhan ikam rancak mamadahakan kami tamasuk kaluarga kalinci, kada kawa tahayut sadikit lalu haja mancangul saikung anak.

Makanya aku kasihan banar wan biniku ini, kauyuhan tiap hari mandi basah. Kukira parlu ada tambahan pabrik hanyar dua atawa talu ikung,” ujar Palui lihum sambil manyirit bininya.

Si Palui : Ilmu Palui

Si Palui : Rongong

SiPalui : Salah Tuan Rumah

“Nah, nah makin balalar kisah pina manyambat handak pakasam lain. Sampiyan ini abahnya ai dasar pangarasan, kada hakun ditangati,” ujar bininya pina sarik.

“Karna pangarasan itulah maka Palui parlu tambahan pabrik,” ujar Garbus umpat mangompori karna paham maksud Palui.

“Kada parlu dua talu ikung Lui ai kaina ikam lakas tuha, karing sumsum wan lakas bungkuk, bantas nang ada ini haja,” ujar Tulamak umpat manyahut.

“Dasar Mak ai. Lakiku ini sakakalinya di samping pangarasan, lawan jua karas kapalanya,” ujar bini Palui makin panasaran.

“Hi’ih, Palui ini matan lagi halus sudah karas kapala. Untung ikam bini Palui ai balaki Palui nang karas kapala ini. Kasihan itu anak Talamak nang hanyar diranakakan kada karas kapala, bumbunannya lunyut bila dijapai, kasihan banar,” ujar Garbus.

“Anakku nang hanyar diranakakan itu wajar bumbunannya lunyut, karna tiap kakanakan nang hanyar diranakakan pasti lunyut bumbunannya tanda inya hidup,” ujar Tulamak manjalasakan.

Si Palui : Kasihan Wan Hayam

“Bubuhan ikam ini kada paham ucapan biniku ini, karna ucapannya itulah maka inya marikit banar wan aku, manempel tarus kada mau saling pisahan marikit kaya perangku,” ujar Palui manjawab.

“Napa maksudnya Lui ?” ujar Garbus.

“Aku bujur haja pangarasan dan nang karas itu tamasuk kapalanya, makanya biniku sayang banar wan aku,” ujar Palui kada hakun kalah sambil manggandeng bininya mambawai bulik. (rep/tam)

Editor: Hari Widodo
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved