Si Palui: Mati Baimbai

“Ujar sidin bila aku badahulu mati biniku kasihan inya saurangan di rumah, bila biniku badahulu mati, aku saurangan kasunyian, jadi pang baik mati baimbai haja jaka kawa,” Palui mamacahakan kisah.

“Biasanya bila lakian mati bini, babini pulang si kai nitu, iyakah?” Tulamak manangguh.

“Tapi aku jar sidin kada handak lagi babini ka lain,” jawab Palui.

“Asa nyaman sudah wan bini nang ada, iyakah Lui?” Garbus maiyakan.

“Han damintu urang sahidup samati , bila mati bini kada handak lagi babini anum!” sahut Tulamak.

“Ini bajanji sahidup samati, pasangan kada paduitan lagi, iya dibuang, mancari binian nang anum pulang inya, kaya apa nitu?” sindir Garbus.

“Kada tahu am aku jar ikam Bus ai.Tapi lihati ha kena Bus lah, Mak lah, aku gin handak mati baimbai jua kenanya jaka kawa,” Palui tatawa. (aan maulana/penulis matan kuta dudul,HSS)