Si Palui

Si Palui : Samuak Saliur

Samalam wayah di televisi manyiarakan partandingan main bal piala dunia, Palui baistilah bangun tangah malam.

Si Palui : Samuak Saliur
BPost Cetak
Si Palui : Samuak Saliur 

BANJARMASINPOST.CO.ID - Samalam wayah di televisi manyiarakan partandingan main bal piala dunia, Palui baistilah bangun tangah malam.

Inya kada handak katinggalan karna nang main bubuhan harat-harat wan nang ngarannya partandingan parampat final pasti rami banar. Palui bagimit badiri karna kada handak mambangunakan bininya.

Wayah inya mambuka lawang dilihatnya mintuha laki sudah duduk di muka televisi, sambil muntung sidin kiyap-kiyap mamakan kacang.

"Wah.. abah sudah badahulu sakalinya," ujar Palui marawa sambil duduk di higa sidin.

"Aku Lui lah kalu sual main bal kada parnah katinggalan. Apalagi malam ini partandingan final," ujar mintuha Palui.

Aktivis Perempuan Tak Bangga Sri Mulyani Masuk 100 Perempuan Berpengaruh

Bharatu Saiful Tewas Usai Jumatan, Satgas Tinombala Buru Kelompok Ali Kalora

Lepas Pemulangan Jenazah Anggota Brimob Polda Sulteng yang Gugur, Kapolda Doakan Arwah

Kapal Pesiar KM Lady Nathalia Mati Mesin, 5 Penumpangnya Kini Terombang-ambing di Lautan Sulsel

"Ulun sabujurnya katuju jua tapi amunnya tangah malam banar rancak kulir bah ai," ujar Palui. "Tapi malam ini ulun paksaakan manuntun samamalamnya karna ulun kada handak takaji habar," ujarnya pulang.

"Barapa sudah sakurnya bah?" ujar Palui batakun karna partandingan sudah bajalan parak satangah jam.

"Sudah 2-0. Nang putih nang manang," ujar mintuha Palui sambil maraup ka kacang.

"Umai lah pian pina nyaman banar mangutil kacang kada babarian lawan manantu," ujar Palui managuk liur kacar malihat mintuhanya pina nyaman bamamakan.

"Hau.. Ikam handak kah Lui? Maap Lui lah aku tadi kada ingat manawari. Ayu lakasi ambil jangan supan-supan," ujar mintuhanya sambil manyurung ka piring kacang.

Halaman
12
Editor: Hari Widodo
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved